Surat : ઉધના-લાલીમા વિસ્તારમાં જળસંકટ, ઘરોમાં કેદ થયા લોકો, કમર સુધીના પાણીમાં અવરજવર કરવા મજબૂર બન્યા સ્થાનિકો

સુરતમાં લોકો પોતાના ઘરોમાં કેદ થવા મજબૂર બન્યા છે

ઘરની બહાર નીકળવું પણ જોખમી બન્યું છે, તેમ છતાં રોજિંદી જરૂરિયાતો માટે લોકો કમર સુધીના પાણીમાં ચાલીને પસાર થવા મજબૂર બન્યા છે. જીવનજરૂરી ચીજવસ્તુઓની અછત વચ્ચે લોકોની દયનીય હાલત જોવા મળી રહી છે.

સ્થિતિની ગંભીરતાને ધ્યાનમાં રાખીને સુરત મહાનગરપાલિકાનું ફાયર વિભાગ સતત કાર્યરત છે. ફસાયેલા લોકોને સુરક્ષિત બહાર કાઢવા માટે ફાયર વિભાગ દ્વારા રેસ્ક્યુ ઓપરેશન પૂરજોશમાં ચલાવવામાં આવી રહ્યું છે.

ઉધના-લાલીમા વિસ્તારમાં જળસંકટ

હોડીઓ અને અન્ય સાધનોની મદદથી અસરગ્રસ્ત લોકોને સલામત સ્થળે ખસેડવામાં આવી રહ્યા છે. સામાજિક સંસ્થાઓ પણ ખોરાક અને પીવાના પાણીની વ્યવસ્થા કરી માનવતા દાખવી રહી છે.

વરસાદી પાણી અને ખાડીપુરની આ સમસ્યા દર વર્ષે સુરતવાસીઓ માટે માથાનો દુખાવો સાબિત થાય છે. વહીવટી તંત્ર દ્વારા પાણીના નિકાલ માટે પંપિંગ સુવિધાઓ કાર્યરત કરવામાં આવી છે, પરંતુ પાણીનું પ્રમાણ ખૂબ જ વધારે હોવાથી તેને ઓસરતા હજુ સમય લાગી શકે તેમ છે.

આ પણ વાંચો : Arvalli માં મેઘમહેર, માઝુમ નદીમાં નવા નીરની આવક થતા ચેકડેમ છલકાયા