Surat માં ખાડીપૂર બાદ તંત્રનો મોટો નિર્ણય, વોટર લોગિંગની સમસ્યા હલ કરવા બોરવેલ અને રેઇન ગેજની સંખ્યા વધારાશે

સણીયા હેમાદ અને સારોલીમાં રિચાર્જ બોરવેલનું નિર્માણ

ભૂગર્ભ જળની સપાટી સુધીનું ચોક્કસ મેપિંગ કરીને એવી વ્યવસ્થા ગોઠવવામાં આવશે કે વરસાદી અથવા ખાડીનું પાણી ઝડપથી ભૂગર્ભમાં ઉતરી જાય અને રસ્તાઓ પર કે સોસાયટીઓમાં પાણી ભરાઈ ન રહે.

આ દિશામાં કામગીરી શરૂ પણ કરી દેવામાં આવી છે, જેના ભાગરૂપે સણીયા હેમાદ અને સારોલી વિસ્તારના મુખ્ય વોટર લોગિંગ સ્પોટ પર અત્યાર સુધીમાં પાંચ રિચાર્જ બોરવેલ સફળતાપૂર્વક બનાવી દેવામાં આવ્યા છે, જ્યારે અન્ય પાંચ નવા બોરવેલનું નિર્માણકાર્ય હાલ પૂરજોશમાં ચાલી રહ્યું છે.

વરસાદી પાણીના નિકાલ માટે નવી રણનીતિ

આ ઉપરાંત, વરસાદની ચોક્કસ માત્રા અને સ્થિતિ જાણી શકાય તે માટે હવામાન અને પાણીના પ્રવાહનું સચોટ આકલન કરવા દર ચાર ચોરસ કિલોમીટરના વિસ્તાર પ્રમાણે વોટર રેઇન ગેજની સંખ્યા વધારવાની શક્યતાઓ પણ ચકાસવામાં આવી રહી છે. આ હાઇ-ટેક સાધનોના માધ્યમથી તંત્રને રીઅલ-ટાઇમ ડેટા મળી રહેશે, જેના આધારે તાત્કાલિક રાહત અને બચાવ કામગીરી કે પાણી નિકાલના પગલાં ભરી શકાશે.

સુરત મનપાના આ સક્રિય અભિગમથી આગામી દિવસોમાં ચોમાસા દરમિયાન નાગરિકોને ખાડીપૂર અને પાણી ભરાવાની સમસ્યામાંથી મોટી રાહત મળવાની આશા બંધાઈ છે. તંત્રની આ આગોતરી તૈયારીઓ અને એન્જિનિયરિંગ પ્લાનિંગથી માત્ર પાણીના નિકાલમાં જ સુધારો નહીં થાય, પરંતુ ભૂગર્ભ જળ સ્તર ઊંચા લાવવામાં પણ મોટી મદદ મળશે.

આ પણ વાંચો : Rajkot માં સાયબર ફ્રોડનો મોટો ઘટસ્ફોટ, વેઇટ લોસની દવાના નામે વૃદ્ધા પાસેથી ઠગે પડાવ્યા 84.38 લાખ રૂપિયા