Surat: 14 લાખની હનીટ્રેપ કેસમાં મોટી કાર્યવાહી, સામાજિક અગ્રણી પ્રવીણ ભાલાળાની ધરપકડ

શું છે સમગ્ર મામલો?

આરોપી પ્રવીણ ભાલાળાએ એક યુવતી સાથે મળીને હનીટ્રેપનું ગંભીર ષડયંત્ર રચ્યું હતું. આ ટોળકીએ એક યુવકને પ્રેમજાળમાં ફસાવી તેની પાસેથી કુલ 14 લાખ રૂપિયા પડાવ્યા હતા. માર્ચ 2025માં વરાછા પોલીસે આ કેસમાં સામેલ મહિલા આરોપીની ધરપકડ કરી હતી, પરંતુ ત્યારથી પ્રવીણ ભાલાળા ફરાર હતો. 16 જુલાઈના રોજ પોલીસે ટેકનિકલ સર્વેલન્સ અને બાતમીના આધારે પ્રવીણ ભાલાળાને ઝડપી પાડ્યો છે.

Surat:  મિત્રતામાં વિશ્વાસઘાત કર્યો

આ કિસ્સો એટલા માટે વધુ ચોંકાવનારો છે કારણ કે, જે યુવકને હનીટ્રેપમાં ફસાવીને આર્થિક રીતે લૂંટવામાં આવ્યો હતો, તે આરોપી પ્રવીણ ભાલાળાનો મિત્ર જ હતો. સામાજિક અગ્રણી હોવાની આડમાં મિત્ર સાથે જ આવો વિશ્વાસઘાત આચરનારા આરોપીની ધરપકડ બાદ પોલીસ હવે તેને રિમાન્ડ પર લઈને આ હનીટ્રેપ નેટવર્કમાં અન્ય કોઈની સંડોવણી છે કે કેમ, તે દિશામાં તપાસ તેજ કરશે.

આ પણ વાંચો: Amreli: 'જો કોઈને કહીશ તો જાનથી મારી નાખીશ' ધમકી આપી સગીરા પર કિશોરે દુષ્કર્મ આચરતા ચકચાર