Surat Child Death: કડોદરામાં ખાડાએ લીધો માસૂમનો જીવ, શિવમ નગરમાં બાળકી રમતી હતી

વૈશાલી ઘરની બહાર રમતી હતી

પ્રાપ્ત માહિતી અનુસાર, વૈશાલી ઘરની બહાર રમતી હતી. વરસાદના કારણે આ વિસ્તારમાં આવેલા એક ખાડામાં પાણી ભરાઈ ગયું હતું. રમતા-રમતા બાળકી ક્યારે આ ખાડા પાસે પહોંચી ગઈ તેની કોઈને જાણ થઈ નહીં અને તે અંદર ખાબકી ગઈ હતી. જ્યારે બાળકી લાપતા હોવાની જાણ પરિવારને થઈ ત્યારે શોધખોળ દરમિયાન તે ખાડામાંથી મળી આવી હતી. સ્થાનિકો તેને તાત્કાલિક સારવાર માટે નજીકની હોસ્પિટલ લઈ દોડ્યા હતા, પરંતુ હોસ્પિટલ પહોંચતા જ ફરજ પરના તબીબોએ બાળકીને મૃત જાહેર કરી હતી.

બાળકીના પિતાનો તંત્ર પર બેદરકારીનો આક્ષેપ

આ બનાવ બાદ બાળકીના પિતાએ તંત્ર પર બેદરકારીનો સીધો આક્ષેપ કર્યો છે. તેમણે જણાવ્યું હતું કે, આ ખાડા અંગે અગાઉ પણ સ્થાનિક તંત્રને અનેકવાર લેખિત અને મૌખિક રજૂઆતો કરવામાં આવી હતી, છતાં કોઈ કાર્યવાહી કરવામાં આવી ન હતી. જો તંત્રએ સમયસર આ ખાડો પૂરી દીધો હોત, તો આજે એક ફૂલ જેવી બાળકીનો જીવ બચી શક્યો હોત.

Surat: ફરી એકવાર વહીવટી તંત્રની લાપરવાહી

કડોદરામાં થયેલી આ ઘટનાએ ફરી એકવાર વહીવટી તંત્રની લાપરવાહીને ખુલ્લી પાડી છે. ચોમાસાની સીઝનમાં રોડ-રસ્તા પરના આવા ખાડાઓ અનેક નિર્દોષ લોકો માટે જીવલેણ સાબિત થઈ રહ્યા છે. હવે આ મામલે જવાબદાર કોણ તે મોટો સવાલ છે. સ્થાનિકોએ આ ઘટનામાં જવાબદાર અધિકારીઓ અને કોન્ટ્રાક્ટરો સામે કડક કાર્યવાહી કરવાની માંગ કરી છે. પોલીસ દ્વારા આ સમગ્ર મામલે તપાસ હાથ ધરવામાં આવી છે, પરંતુ એક નિર્દોષ બાળકીનું મૃત્યુ સમાજ માટે એક મોટી સંવેદનશીલ ઘટના બની રહી છે.

આ પણ વાંચો: Jamnagar Tragedy: જોડિયાના ટીંબડી ગામે બની કરુણ ઘટના, કરંટ લાગતા શ્રમિક માતા-પુત્રનું મોત