Surat: નાસીર નગરમાં 'નકલી' ડિમોલિશનના ખેલમાં પાલિકા કમિશનરની એન્ટ્રી, જાણો શું કહ્યું?

Surat:કમિશનરનું નિવેદન આવ્યું સામે

તંત્રના મતે, આ ડિમોલિશન કામગીરી લાઈન દોરીની અમલવારી અને ડી-માર્કેશન (Demarcation) પ્રક્રિયાના ભાગરૂપે હાથ ધરવામાં આવી હતી. જોકે, આ સમગ્ર ઘટનાક્રમમાં રાજકીય પક્ષોના નેતાઓ આમને-સામને આવી ગયા છે, જેનાથી સ્થિતિ વધુ જટિલ બની છે. કેટલાક રાજકીય આગેવાનો પર આ ગંભીર મુદ્દાને પોતાના રાજકીય લાભ માટે વાપરવાનો આરોપ પણ લગાવવામાં આવ્યો છે.

હાલમાં આ મામલો ગુજરાત હાઈકોર્ટમાં

હાલમાં આ મામલો ગુજરાત હાઈકોર્ટ (Gujarat High Court) સુધી પહોંચ્યો છે, જેમાં સુરત મહાનગરપાલિકા પોતે એક પક્ષકાર તરીકે જોડાયેલી છે. કમિશનરે જણાવ્યું છે કે, હાલ હાઈકોર્ટમાં મેટર પેન્ડિંગ હોવાથી વધુ ટિપ્પણી કરવી યોગ્ય નથી. જે પણ પુરાવાઓ રજૂ કરવાના થશે તે કોર્ટમાં આપવામાં આવશે અને ન્યાયતંત્ર જે પણ ચુકાદો આપશે તેનું પાલિકા દ્વારા ચુસ્તપણે પાલન કરવામાં આવશે. આ ઘટનાએ શહેરી વિકાસ અને દબાણ હટાવવાની નીતિઓ પર અનેક પ્રશ્નો ખડા કરી દીધા છે.

આ પણ વાંચો: Yusuf Pathan Land Dispute: વડોદરા મનપાનું આક્રમક વલણ, યુસુફ પઠાણના વિવાદિત પ્લોટ સહિત 7 જમીનોની થશે હરાજી