Surat : પાંડેસરામાં દુકાનના છતનું પતરૂ કાપી તસ્કરો 20 લાખથી વધુના દાગીના લઈ ફરાર

CCTV ફૂટેજ તપાસી આરોપીને પકડવા માટે કાર્યવાહી હાથ ધરાઈ

દુકાનદારનો આક્ષેપ છે કે, અગાઉ ચોરી થઈ હતી નહી જેથી પોલીસે FIR લેવાની ના પાડી હતી. દુકાનદારનો આક્ષેપ છે કે, પાંડેસરા વિસ્તારમાં છેલ્લા 6 થી 7 મહિનામાં સાત થી આઠ મોટી ચોરી થઈ છે.

તે છતાં પોલીસ કોઈ નક્કર કાર્યવાહી કરતી નથી. જોકે, આ ઘટના બનતા પોલીસ પેટ્રોલિંગ ઉપર ઉઠી રહ્યા છે સવાલો. પોલીસે હાલમાં તો ટેકનિકલ સર્વેલન્સના આધારે તપાસ શરૂ કરી છે, કેટલા લાખની ચોરી થઈ છે તે હાલ કહેવું શકય નથી અને તપાસ ચાલી રહી છે.

પાંડેસરા વિસ્તારની કૃષ્ણ જ્વેલર્સમાં ચોરી

અવાજ ન થાય તે રીતે તસ્કરોએ જ્વેલર્સની દુકાનની ઉપરની છતનું પતરું કાપ્યું હતું અને ત્યાંથી દુકાનની અંદર પ્રવેશ કર્યો હતો. તસ્કરોએ દુકાનમાં રાખેલા કિંમતી સોના-ચાંદીના દાગીના પર હાથફેરો કર્યો હતો.

ભોગ બનનારના જણાવ્યા અનુસાર, આ જ્વેલર્સની દુકાનમાં અગાઉ છ મહિના પહેલાં પણ તસ્કરો દ્વારા ચોરી કરવાનો નિષ્ફળ પ્રયાસ કરવામાં આવ્યો હતો. જો કે, તે સમયે માલિક કે જાગૃત નાગરિકો સમયસર ત્યાં પહોંચી જતાં તસ્કરો પોતાનો મનસૂબો પાર પાડી શક્યા ન હતા અને નાસી છૂટ્યા હતા. પરંતુ આ વખતે તસ્કરો પોતાનો પ્લાન પાર પાડવામાં સફળ રહ્યા હતા.

આ પણ વાંચો : Narmada : ગરીબો નહી પણ સરકારી અધિકારીઓના ગેરકાયદે બાંધકામ પર તંત્રનો ઝીંકાયો હથોડો, ઇતિહાસમાં પ્રથમવાર સરકારી પ્રોપર્ટી પર મેગા ડિમોલિશન