Surat: સૂર્યપુર ગરનાળું પાણીમાં ગરકાવ થતા હાલાકી, શહેરની સ્થિતિ ચિંતાજનક

ગરનાળામાં કેડસમા પાણી ભરાયા

ગરનાળામાં કેડસમા પાણી ભરાઈ જવાને કારણે વાહનો તેમાં ગરકાવ થઈ ગયા છે, જેને બહાર કાઢવા માટે સ્થાનિકો અને તંત્રને ભારે જહેમત ઉઠાવવી પડી રહી છે. આ માત્ર વાહનવ્યવહાર પૂરતું મર્યાદિત નથી, પરંતુ ગરનાળાની આસપાસ આવેલી દુકાનોમાં પણ પાણી ઘૂસી જતાં વેપારીઓને મોટું નુકસાન વેઠવાનો વારો આવ્યો છે. સ્થાનિક નાગરિકોના જણાવ્યા અનુસાર, વરસાદની તીવ્રતા એટલી વધારે હતી કે ડ્રેનેજ સિસ્ટમ પણ પાણીના નિકાલ માટે ટૂંકી પડી છે.

Surat Rain: આગામી કેટલાક કલાકો ભારે વરસાદની શક્યતા

હવામાન વિભાગની આગાહી મુજબ હજુ પણ આગામી કેટલાક કલાકો ભારે વરસાદની શક્યતા છે, જેને ધ્યાનમાં રાખીને સુરત મ્યુનિસિપલ કોર્પોરેશન (SMC) એલર્ટ મોડ પર આવી ગયું છે. કંટ્રોલ રૂમ દ્વારા સતત મોનિટરિંગ કરવામાં આવી રહ્યું છે અને અસરગ્રસ્ત વિસ્તારોમાંથી લોકોને સુરક્ષિત સ્થળે ખસેડવાની કામગીરી પણ હાથ ધરવામાં આવી છે. શહેરના અન્ય ભાગોમાં પણ પાણી ભરાવાના બનાવો સામે આવ્યા છે, જેના કારણે સવારથી જ ટ્રાફિક જામની સમસ્યા સર્જાઈ છે. સુરતવાસીઓ માટે આ વરસાદ કુદરતી મુસીબત બનીને ત્રાટક્યો છે, ત્યારે તંત્રની કામગીરી પર સૌની નજર ટકેલી છે.

આ પણ વાંચો: Morbi: મનપા કચેરીમાં મહિલાઓએ ઠાલવ્યો આક્રોશ, રોડ ક્યારે બનશે?