Surendranagar: મહિલા TRB જવાનને માર માર્યાનો PSI પર આક્ષેપ, MLC રિપોર્ટ બાદ તપાસ તેજ

શું છે સમગ્ર મામલો?

મળતી માહિતી મુજબ, મહિલા ટ્રાફિક બ્રિગેડની ફરજ દરમિયાન PSI એલ.બી. બગડા દ્વારા જ્યોતિબા પરમારના ફોટા પાડવામાં આવ્યા હતા અને વીડિયો પણ ઉતારવામાં આવ્યો હતો. આ બાબતે બંને વચ્ચે બોલાચાલી થઈ હતી, જે બાદમાં ઝઘડામાં પરિણમી હતી. પીડિત મહિલા જવાનના આક્ષેપ મુજબ, જ્યારે તેમણે આ અંગે પોલીસ અધિક્ષક (SP) ને રજૂઆત કરી, ત્યારે PSI દ્વારા તેમને ગાળો આપવામાં આવી હતી અને મારામારી કરીને મારી નાખવાની ધમકી આપવામાં આવી હતી.

Surendranagar: પોલીસની તપાસ અને હાલની સ્થિતિ

ભોગ બનનાર મહિલા TRB જવાનને સારવાર અર્થે હોસ્પિટલ ખસેડવામાં આવતા આ કેસ MLC તરીકે નોંધાયો હતો. આ MLC રિપોર્ટના આધારે હવે પોલીસે આગળની તપાસ હાથ ધરી છે. આ સંવેદનશીલ મુદ્દે ભોગ બનનાર મહિલા જવાન કે ટ્રાફિક PSI, કોઈ પણ પક્ષે હાલમાં મીડિયા સમક્ષ કઈ પણ કહેવાનો ઇનકાર કર્યો છે. સુરેન્દ્રનગર પોલીસ માટે આ મામલો અત્યારે તપાસનો વિષય બન્યો છે.

આ પણ વાંચો; Rajkot: પોલીસ કર્મચારીના ઘરમાંથી જુગારધામ ઝડપાયું, હેડ કોન્સ્ટેબલ ભગીરથસિંહ સામે કાર્યવાહી