જિલ્લાના ઉચ્છલ તાલુકામાં ભારે વરસાદી માહોલના કારણે નદી-નાળાઓમાં પાણીની ભરપૂર આવક જોવા મળી રહી છે.
નિઝર અને કુકરમુંડામાં મેઘરાજાની ઘમાસાણ બેટિંગ
ઉચ્છલ તાલુકાના ગવાણ ગામ પાસેથી પસાર થતા કોતરમાં અચાનક પાણીનું સ્તર ખૂબ જ વધી ગયું હતું, જેના કારણે વહી ગયેલા પાણીના પ્રવાહ વચ્ચે ગવાણ ગામના રહેવાસી સુદામભાઈ કાઠૂડના ઘરની અંદર પાણી ફરી વળ્યા હતા.
ઘરમાં અચાનક પાણી પ્રવેશી જવાથી પરિવારજનો મુશ્કેલીમાં મુકાયા હતા અને ઘણું નુકસાન પણ સર્જાયું હતું. આ ઘટના બાદ સ્થાનિક વહીવટી તંત્ર તાત્કાલિક એલર્ટ મોડ પર આવી ગયું છે અને પ્રભાવિત વિસ્તારો પર સતત નજર રાખવામાં આવી રહી છે.
તાપી જિલ્લામાં ભારે વરસાદ
ઉચ્છલ ઉપરાંત તાપી જિલ્લાના નિઝર અને કુકરમુંડા તાલુકામાં પણ મેઘરાજાએ મન મૂકીને હેત વરસાવ્યું છે. નિઝર અને તેની આસપાસના ગ્રામ્ય વિસ્તારો તેમજ વેલદા ચાર રસ્તા અને તેની આજુબાજુના પંથકમાં ધોધમાર વરસાદ વરસી રહ્યો છે.
સતત વરસી રહેલા આ મુસળધાર વરસાદના લીધે નીચાણવાળા વિસ્તારો અને રસ્તાઓ પર પાણી ભરાઈ જવાના દ્રશ્યો સર્જાયા છે. જિલ્લામાં જાહેર કરાયેલા રેડ એલર્ટના પગલે કોઈપણ અનિચ્છનીય ઘટનાને ટાળવા માટે તંત્ર દ્વારા તમામ સુરક્ષાત્મક પગલાં લેવામાં આવી રહ્યા છે અને નાગરિકોને પણ સાવચેત રહેવા સખત સૂચનાઓ અપાઈ છે.
આ પણ વાંચો : Vadodara Rain : પાદરામાં મહીસાગર નદીના પૂરના જોખમને કારણે ડબકાના ભઠા વિસ્તારમાંથી 76 લોકોનું સલામત સ્થળાંતર
