Vadodara : બાડમેરથી સુરત જતી ખાનગી બસનો ભયંકર અકસ્માત, 5 ના મોત, હજી પણ મૃત્યુઆંક વધે તેવી શકયતા

ટ્રક અને લક્ઝરી બસ વચ્ચે જોરદાર ટક્કર થતાં અરેરાટી ફેલાઈ

રાજસ્થાનના બાડમેરથી સુરત જતી બાલાજી ટ્રાવેલ્સ લક્ઝરી બસના ચાલકે આગળ ઊભી રહેલ ટ્રક સાથે ધડાકાભેર અકસ્માત સર્જયો હતો અને અકસ્માતમાં અનેક મુસાફરો ફસાયા હોવાની માહિતી સામે આવી છે.

પ્રાથમિક અહેવાલ મુજબ 7 થી 8 લોકોના મોતની આશંકા વ્યક્ત કરવામાં આવી રહી છે. ઘટનાસ્થળે બચાવ કામગીરી યુદ્ધના ધોરણે શરૂ કરવામાં આવી છે અને SDRF, NDRF અને વડોદરા ફાયર વિભાગની ટીમો ઘટનાસ્થળે પહોંચી છે. ઈજાગ્રસ્તોને બહાર કાઢવા માટે રેસ્ક્યુ ઓપરેશન ચાલી રહ્યું છે.

જરોદ પોલીસે અકસ્માતે મોતનો ગુનો નોંધ્યો

જરોદ-વડોદરા રોડ પર અકસ્માત સર્જાયો હતો અને વહેલી સવારે અકસ્માત સર્જાયો હોવાની વાત સામે આવી છે. કોટંબી ગામ પાસે રોડ પર સર્જાયો અકસ્માત અને જરોદ પોલીસ ઘટના સ્થળે પહોંચી છે અને તપાસનો ધમધમાટ શરૂ કરવામાં આવ્યો છે.

હજી પણ મૃત્યુઆંક વધે તેવી શકયતાઓ સેવાઈ રહી છે. ડ્રાઈવરને ઝોકું આવતા આ ઘટના બની હોઈ શકે છે. તો મૃતદેહને પીએમ માટે ખસેડાયા છે અને પીએમ થયા બાદ મૃતદેહ પરિજનોને સોંપવામાં આવશે.

આ પણ વાંચો :  RTE ના ત્રીજા રાઉન્ડ બાદ પણ 6 હજાર બેઠક ખાલી, 1926 માંથી માત્ર 937 બાળકોએ જ પ્રવેશ કન્ફર્મ કરાવ્યો