Vadodara : સાવલીના મંજુસર નજીક બની ફાયરિંગ ઘટના, 22 વર્ષીય યુવક ગંભીર રીતે ઈજાગ્રસ્ત થયો

હત્યાનો પ્રયાસ કે આપઘાતનો પ્રયાસ!

ઘટનાની જાણ થતા જ મંજુસર પોલીસનો કાફલો ઘટનાસ્થળે દોડી ગયો હતો. મામલાની ગંભીરતાને ધ્યાનમાં રાખીને વડોદરાના ઉચ્ચ પોલીસ અધિકારીઓ પણ સ્થળ પર પહોંચ્યા હતા અને તપાસનો ધમધમાટ શરૂ કર્યો હતો. પોલીસની અત્યાર સુધીની પ્રાથમિક તપાસમાં આ સમગ્ર મામલો આત્મહત્યાના પ્રયાસનો હોવાની આશંકા વ્યક્ત કરવામાં આવી રહી છે.

પોલીસે તપાસ માટે આસપાસના સીસીટીવી પણ લીધા

ઘટના સ્થળે પુરાવા એકત્ર કરવા માટે FSL (ફોરેન્સિક સાયન્સ લેબોરેટરી) ની ટીમને પણ તાત્કાલિક બોલાવવામાં આવી હતી. FSL ની ટીમે ઘટનાસ્થળે પહોંચીને ઝીણવટભરી તપાસ શરૂ કરી છે અને મહત્વના પુરાવા એકત્ર કર્યા છે. આ ફાયરિંગમાં કયા હથિયારનો ઉપયોગ થયો અને આ પગલું ભરવા પાછળનું સાચું કારણ શું છે, તે દિશામાં પોલીસે તપાસ તેજ કરી છે.

હાલમાં પોલીસ યુવકના સંબંધીઓ અને આસપાસના લોકોના નિવેદનો પણ નોંધ્યા છે. આ ઘટના પાછળ કોઈ અન્ય વ્યક્તિનો હાથ છે કે કેમ, તે અંગે પણ પોલીસ દ્વારા સતત પૂછપરછ અને તપાસ કરવામાં આવી રહી છે. સમગ્ર વિસ્તારમાં આ ઘટનાને લઈને ભારે ચર્ચા જાગી છે.

આ પણ વાંચો : Surat એરપોર્ટ પર ઈમરજન્સી એલર્ટ બાદ સ્થિતિ સામાન્ય, સંકટગ્રસ્ત વિમાન હોવાની ચેતવણી મળતા એજન્સીઓ થઈ એલર્ટ