Vadodara Manjalpur વિધાનસભા પેટા ચૂંટણીની મતગણતરી શરૂ, સતીષ પટેલ અને ભીખા રબારીના રાજકીય ભવિષ્યનો થશે ફેંસલો

વડોદરા માંજલપુર વિધાનસભા પેટા ચૂંટણી

મતગણતરીની પ્રક્રિયાને પારદર્શક અને ઝડપી બનાવવા માટે ચૂંટણી તંત્ર દ્વારા વ્યાપક વ્યવસ્થા કરવામાં આવી છે. કુલ 260 મતદાન મથકોના મતોની ગણતરી માટે 15 ટેબલો ગોઠવવામાં આવ્યા છે, જે કુલ 19 રાઉન્ડમાં પૂર્ણ કરવામાં આવશે. નિયમો અનુસાર, સૌથી પહેલા પોસ્ટલ બેલેટના મતોની ગણતરી કરવામાં આવી રહી છે અને ત્યારબાદ EVM મશીનોના મતો ખોલવામાં આવશે. આ સમગ્ર પ્રક્રિયાને સુચારૂ રૂપે પાર પાડવા માટે 42 કાઉન્ટિંગ સ્ટાફ, 42 માઇક્રો ઓબ્ઝર્વર્સ તેમજ 200થી વધુ અન્ય કર્મચારીઓ પોતાની ફરજ નિભાવી રહ્યા છે.

સતીષ પટેલ અને ભીખા રબારીના રાજકીય ભવિષ્યનો થશે ફેંસલો

કોઈપણ પ્રકારની અનિચ્છનીય ઘટના ટાળવા અને કાયદો તથા વ્યવસ્થાની સ્થિતિ જાળવી રાખવા માટે ભવન્સ સ્કૂલ અને તેની આસપાસના વિસ્તારમાં 200થી વધુ પોલીસ જવાનોનો કડક ત્રિસ્તરીય બંદોબસ્ત ગોઠવવામાં આવ્યો છે. વહીવટી તંત્રના ઉચ્ચ અધિકારીઓ પણ સ્થળ પર ઉપસ્થિત રહીને સમગ્ર ગણતરી પરીક્ષણ પર બાજ નજર રાખી રહ્યા છે. માંજલપુર બેઠક પર કયો પક્ષ બાજી મારે છે અને કોણ વિજયી બને છે તે જોવા માટે રાજકીય વર્તુળો અને સમર્થકોમાં ભારે ઉત્સુકતા જોવા મળી રહી છે. થોડીવારમાં જ ચૂંટણીના વલણો સામે આવવાની શરૂઆત થઈ જશે, જેનાથી ચિત્ર વધુ સ્પષ્ટ થશે.

આ પણ વાંચો : Petrol Diesel Today : ક્રૂડ ઓઈલ 84 ડોલરની નીચે સરકયું, આજે પેટ્રોલ-ડિઝલના ભાવ સ્થિર