Vadodara માં બોગસ કોલ સેન્ટરનો ભાંડો ફૂટ્યો, 4 ઠગ લોનની લાલચ આપી પડાવતા હતા રૂપિયા

ગેરકાયદે કોલસેન્ટર ઝડયાયું : Vadodara

વડોદરાના રેસકોર્સ વિસ્તારમાંથી બોગસ કોલ સેન્ટરનો પર્દાફાશ કરવામાં આવ્યો છે. વિદેશમાં રહેતા લોકોને લોન મંજૂર થયાનું કહી કરતા હતા છેતરપિંડી અને LCB ઝોન-2ની ટીમે દરોડો પાડી 4 આરોપીઓની ધરપકડ કરી છે. 7 લેપટોપ, 8 મોબાઈલ, રાઉટર અને રોકડ રકમ જપ્ત કરી કુલ રૂ.3.57 લાખનો મુદ્દામાલ પોલીસે કબજે કર્યો છે.

અકોટા પોલીસ સ્ટેશનમાં ગુનો દાખલ કરી વધુ તપાસ હાથ ધરાઈ. LCB ઝોન 2ની ટીમને મળેલી ચોક્કસ બાતમીના આધારે PSI સીએમ ગઢવી અને તેમની ટીમે દરોડા પાડયા હતા.

પોલીસની પૂછપરછમાં થયો ખુલાસો

વિદેશમા રહેતા લોકોને વોઇસ કોલ કરીને સિટી ક્રેડિટ્સ તરફથી તેઓની લોન મંજુર કરવામાં આવી છે, તેમ ફોન કરી જણાવી તેઓની પાસેથી તેઓના ડેબિટ કાર્ડનો નંબર તેમજ એક્સપાયરી ડેટ અને CVV નંબર લઇ લેતા હતા અને તેઓની લોન મંજુર થઇ જશે, તેમ કહીને ફી પેટે 150થી 200 ડોલર જેટલી રકમ પડાવતા હતા.

ઝડપાયેલ આરોપીમાં એક શેરબજારનો એક્સપર્ટ છે, બીજો એક આરોપી કોલ સેન્ટરમાં કામ કરી ચૂક્યો છે. બીજા બે કોલિંગ એક્સપર્ટ અને સારી અંગ્રેજીના જાણકાર છે. આ લોકો ડાર્ક વેબ પરથી કોન્ટેક્ટ નંબર લઈને અમેરિકામાં કોલ કરતા હતા.

આ પણ વાંચો : Rajkot : બાબા બાગેશ્વરના દિવ્ય દરબારમાં મહિલાઓ ધુણતી હોય તેવો વીડિયો થયો વાયરલ, પોલીસ મંડપમાં દોડી આવી