વિરાટ કોહલીના ગુરુ Premanand Maharaj ની તબિયત બગડી! પદયાત્રા અને દર્શન અનિશ્ચિતકાળ માટે બંધ

• વૃંદાવનના પ્રખ્યાત સંત Premanand Maharaj ની તબિયત લથડી
• 21 વર્ષથી કિડનીની બીમારી વચ્ચે પ્રેમાનંદ મહારાજની તબિયત લથડી
• પદયાત્રા અને એકાંતિક દર્શન અનિશ્ચિતકાળ માટે સ્થગિત
• ભક્તોએ શરૂ કરી સાજા થવાની પ્રાર્થના, દેશભરના ભક્તોમાં ચિંતા

Premanand Maharaj Health Update: ઉત્તર પ્રદેશના પવિત્ર ધામ વૃંદાવન (Vrindavan)ના લોકપ્રિય સંત પ્રેમાનંદ મહારાજ (Premanand Maharaj)ની તબિયત અચાનક બગડતાં તેમની દૈનિક પદયાત્રા (Padayatra) અનિશ્ચિતકાળ માટે સ્થગિત કરી દેવામાં આવી છે. આ સાથે જ ભક્તો માટેના એકાંતિક દર્શન (Darshan) પણ હાલ પૂરતા બંધ કરાયા છે. દરરોજની જેમ રવિવારે મોડી રાત્રે પણ દેશભરમાંથી હજારો શ્રદ્ધાળુઓ મહારાજશ્રીના દર્શન માટે વૃંદાવન પહોંચ્યા હતા. જો કે, વહેલી સવારે 3 વાગ્યે પ્રેમાનંદ મહારાજ પદયાત્રા પર ન નીકળતા આશ્રમના શિષ્યોએ લાઉડસ્પીકર (Loudspeaker) દ્વારા ભક્તોને આ અંગે સત્તાવાર જાણ કરી હતી, જેના કારણે ભક્તોમાં ભારે માયુસી છવાઈ ગઈ હતી.

છેલ્લા 21 વર્ષથી કિડનીની ગંભીર બીમારીથી પીડિત

કેલી કુંજ આશ્રમ (Keli Kunj Ashram)ના જણાવ્યા અનુસાર, સંત પ્રેમાનંદ મહારાજ છેલ્લા 21 વર્ષથી કિડનીની બીમારી (Kidney Disease)થી પીડિત છે. સ્વાસ્થ્યમાં અચાનક ઉતાર-ચઢાવ આવવાના કારણે ડોક્ટરોની સલાહ (Doctors Advice) પર તેમને સંપૂર્ણ આરામ આપવામાં આવી રહ્યો છે. આશ્રમ દ્વારા ભક્તોને રસ્તાના કિનારે ભીડ ન કરવા અને વ્યવસ્થા જાળવી રાખવા અપીલ કરવામાં આવી છે. સામાન્ય દિવસોમાં મહારાજશ્રી દરરોજ સવારે આશ્રમથી આશરે દોઢ કિલોમીટર ચાલીને સૌભરી વન (Saubhari Van) જાય છે અને તેમના દર્શન માટે રોજ 20 હજારથી વધુ ભક્તો ઉમટે છે. પદયાત્રા ક્યારે ફરી શરૂ થશે તેની કોઈ ચોક્કસ તારીખ હજુ જાહેર કરવામાં આવી નથી.

અનિરુદ્ધ પાંડેથી પ્રેમાનંદ મહારાજ સુધીની સફર

પ્રેમાનંદ મહારાજનો જન્મ ઉત્તર પ્રદેશના કાનપુર (Kanpur) જિલ્લાની નરવલ તહસીલના અખરી ગામમાં થયો હતો. તેમના પિતાનું નામ શંભુ નારાયણ પાંડે અને માતાનું નામ રામા દેવી છે. ત્રણ ભાઈઓમાં તેઓ વચલા ભાઈ છે. બાળપણમાં તેમનું નામ અનિરુદ્ધ કુમાર પાંડે (Aniruddh Kumar Pandey) હતું. તેઓ નાનપણથી જ આધ્યાત્મિક પ્રવૃત્તિઓ તરફ વળ્યા હતા અને ધોરણ 8 સુધીનો અભ્યાસ કર્યો છે. માત્ર 13 વર્ષની નાની ઉંમરે તેમણે સંન્યાસ (Sanyas) લીધો હતો. તેમણે ગુરુ ગૌરી શરણ જી મહારાજ (Guru Gauri Sharan Ji Maharaj) પાસેથી ગુરુદીક્ષા લીધી હતી અને ત્યારબાદ તેઓ મથુરા (Mathura) આવી વસ્યા હતા.

સોશિયલ મીડિયા પર કરોડો ફોલોઅર્સ અને સેલિબ્રિટી શિષ્યો

પ્રેમાનંદ મહારાજની લોકપ્રિયતા દેશ-વિદેશમાં ફેલાયેલી છે. સોશિયલ મીડિયા પર તેમના કરોડો ચાહકો છે, જેમાં યુટ્યુબ (YouTube) પર 76 લાખ, ઇન્સ્ટાગ્રામ (Instagram) પર 2.4 કરોડ અને ફેસબુક (Facebook) પર 10 લાખથી વધુ ફોલોઅર્સ (Followers) છે. ક્રિકેટર વિરાટ કોહલી (Virat Kohli) અને તેમની પત્ની અનુષ્કા શર્મા (Anushka Sharma), જાણીતા અભિનેતા આશુતોષ રાણા (Ashutosh Rana), હેમા માલિની (Hema Malini), રતન રાજપૂત અને સિંગર મીકા સિંહ (Mika Singh) સહિત દેશની મોટી-મોટી સેલિબ્રિટીઝ તેમના આશ્રમની મુલાકાત લઈ ચૂકી છે અને તેમની શિષ્ય છે. હાલ તમામ ભક્તો મહારાજશ્રીના ઝડપી સ્વાસ્થ્ય લાભ માટે પ્રાર્થના કરી રહ્યા છે.

આ પણ વાંચો: રન મશીન Virat Kohli હવે ભક્તિના રંગે! વૃંદાવનમાં પ્રેમાનંદ મહારાજ સાથે કરી આધ્યાત્મિક ચર્ચા, જુઓ વાયરલ VIDEO