બંગાળમાં મોટો ઉલટફેર!: જ્યાં પીએમ મોદીએ ખાધી હતી Jhalmuri, ત્યાં જ ખીલ્યું કમળ!
ઝારગ્રામ બેઠક જ્યાં પીએમ મોદીએ Jhalmuri ખાધી હતી તે અત્યારે ચર્ચાનું કેન્દ્ર બની
ઝારગ્રામમાં પીએમ મોદીનો એક અનોખો અંદાજ જોવા મળ્યો હતો
ઝારગ્રામ બેઠક પર ભારતીય જનતા પાર્ટીએ તૃણમૂલ કોંગ્રેસ પર લીડ મેળવી લીધી છે
આ ઘટનાનો વીડિયો અને તસવીરો તે સમયે સોશિયલ મીડિયા પર ખૂબ વાયરલ થયા હતા
Jhalmuri Factor in Jhargram West Bengal Assembly Elections: પશ્ચિમ બંગાળ વિધાનસભા ચૂંટણી (West Bengal Assembly Elections) ના પરિણામોના શરૂઆતી વલણોમાં મોટો ઉલટફેર જોવા મળી રહ્યો છે. ખાસ કરીને ઝારગ્રામ (Jhargram) બેઠક અત્યારે ચર્ચાનું કેન્દ્ર બની છે, જ્યાં ભારતીય જનતા પાર્ટી (BJP) એ તૃણમૂલ કોંગ્રેસ (TMC) પર લીડ મેળવી લીધી છે. આ એ જ બેઠક છે જ્યાં પ્રધાનમંત્રી નરેન્દ્ર મોદીએ (Narendra Modi) પોતાની ચૂંટણી સભા દરમિયાન સામાન્ય નાગરિકની જેમ રોડ પર ઊભા રહીને 'ઝાલમુડી' (Jhalmuri) નો આનંદ માણ્યો હતો.
ઝારગ્રામમાં કેસરિયો લહેરાયો
બંગાળની સત્તાના સંગ્રામમાં અત્યારે રસાકસીનો માહોલ છે. લેટેસ્ટ આંકડાઓ મુજબ, ભાજપ અત્યારે 123 બેઠકો પર આગળ ચાલી રહ્યું છે, જ્યારે સત્તાધારી પક્ષ TMC 109 બેઠકો પર લીડ કરી રહ્યું છે. ઝારગ્રામમાં ભાજપની આ લીડ પક્ષ માટે મનોવૈજ્ઞાનિક રીતે ખૂબ મહત્વની માનવામાં આવે છે. આ વિસ્તારમાં આદિવાસી અને સ્થાનિક મતોનું પ્રભુત્વ છે, જ્યાં પીએમ મોદીની મુલાકાતે વાતાવરણ બદલી નાખ્યું હોય તેમ જણાય છે.
West Bengal Election Result : Jhalmuri નો જાદુ BJP માટે ચાલ્યો! । Gujarat First#Jhalmuri #WestBengalLegislativeAssemblyelection2026 #bengalresultlive #westbengalelection2026 #mamatabanerjee #pmmodi #tmcvsbjp #bjpvstmc #gujaratfirst pic.twitter.com/cIb2fdBXoR
— Gujarat First (@GujaratFirst) May 4, 2026
આ પણ વાંચો: Election Results 2026 Trends: બંગાળમાં મોટો ઉલટફેર, ભાજપ 130 સીટ પર આગળ; મત ગણતરી શરૂ
પીએમ મોદીનો ઝાલમુડીનો યાદગાર પ્રસંગ
ચૂંટણી પ્રચાર દરમિયાન ઝારગ્રામમાં પીએમ મોદીનો એક અનોખો અંદાજ જોવા મળ્યો હતો. સભા પૂરી કર્યા બાદ તેઓ અચાનક એક સ્થાનિક ઝાલમુડીની દુકાન પર રોકાયા હતા. તેમણે ત્યાં સામાન્ય ગ્રાહકની જેમ ઝાલમુડી ખાઈને સ્થાનિક સંસ્કૃતિ સાથે જોડાણ સાધ્યું હતું. આ ઘટનાનો વીડિયો અને તસવીરો તે સમયે સોશિયલ મીડિયા પર ખૂબ વાયરલ (Viral) થઈ હતી.
દુકાનદાર સાથેનો સંવાદ અને પ્રશંસા
સૌથી વધુ ચર્ચા જે બાબતની થઈ હતી તે હતી પીએમ મોદીની પ્રમાણિકતા. ઝાલમુડી ખાધા પછી જ્યારે તેમણે દુકાનદારને પૈસા આપવાની વાત કરી, ત્યારે દુકાનદારે પૈસા લેવાની ના પાડી દીધી હતી. જોકે, પીએમ મોદીએ આગ્રહ રાખીને કહ્યું હતું કે, "10 રૂપિયા પણ આપવાના છે ને?", અને તેમણે પોતાના ખિસ્સામાંથી પૈસા ચૂકવ્યા હતા. દુકાનદારના ચહેરા પરની એ ખુશી અને આસપાસ ઉમટેલા સમર્થકોનું ટોળું (Supporters) એ વાતની ગવાહી આપતું હતું કે પીએમ મોદીએ લોકોના દિલ જીતી લીધા છે.
રાજકીય વિશ્લેષકોનું અનુમાન
રાજકીય વિશ્લેષકો (Political Analysts) માની રહ્યા છે કે ઝારગ્રામમાં ભાજપની લીડ પાછળ પીએમ મોદીની આ 'ગ્રાઉન્ડ લેવલ' કનેક્ટિવિટી જવાબદાર હોઈ શકે છે. બંગાળના લોકો પોતાની સંસ્કૃતિ અને ખાનપાન પ્રત્યે ખૂબ સંવેદનશીલ હોય છે, અને પીએમનું આ પગલું સીધું મતદારોના હૃદય સુધી પહોંચ્યું હોય તેવું વલણો પરથી દેખાઈ રહ્યું છે.