World Yoga Day 2026 : અમદાવાદના પ્રહલાદનગર ગાર્ડન ખાતે કેન્દ્રીય ગૃહમંત્રી અમિતભાઈ શાહ તેમજ નાયબ મુખ્યમંત્રી હર્ષભાઈ સંઘવીએ કર્યા યોગ

અમદાવાદ જિલ્લા કક્ષાનો આંતરરાષ્ટ્રીય યોગ દિવસ દાસ્તાન ફાર્મ ખાતે યોજાયો

વડાપ્રધાન નરેન્દ્રભાઈ મોદી અને મુખ્યમંત્રી ભૂપેન્દ્રભાી પટેલનાં સંબોધનોનું લાઇવ પ્રસારણ કરવામાં આવ્યું હતું. ઉપસ્થિત સૌએ મહાનુભાવોના વર્ચ્યુઅલ સંબોધનોને સાંભળ્યાં હતાં.

આ પ્રસંગે ગુજરાત રાજ્ય સંસ્કૃત બોર્ડના ચેરમેન હિમાંજય પાલીવાલે જણાવ્યું હતું કે સ્વસ્થ, સંસ્કારી અને સમૃદ્ધ ગુજરાતના સંકલ્પને યોગના માધ્યમથી સાકાર કરી શકીશું. સર્વાંગી વિકાસ માટે યોગ મહત્ત્વપૂર્ણ છે. સમાજમાં યોગ માટે જાગૃતિ જરૂરી છે, એવું તેમણે ઉમેર્યું હતું.

ગુજરાતભરમાં આંતરરાષ્ટ્રીય યોગ દિવસની ઉત્સાહભેર ઉજવણી

અમદાવાદ મ્યુનિસિપલ કોર્પોરેશન દ્વારા પ્રહલાદનગર ગાર્ડન ખાતે વિશેષ કાર્યક્રમનું આયોજન કરવામાં આવ્યું હતું, જેમાં કેન્દ્રીય ગૃહ અને સહકારિતા મંત્રી અમિતભાઈ શાહે પોતાના ગાંધીનગર લોકસભા મતવિસ્તારના 100 જેટલા પ્રબુદ્ધ નાગરિકો સાથે વહેલી સવારે યોગ કર્યા હતા.

રાજ્યભરમાં વિશ્વ યોગ દિવસની ઉજવણી થઈ રહી છે અને ગુજરાતના મુખ્યમંત્રી ભુપેન્દ્રભાઈ પટેલે માણસામાં યોગ કરીને યોગ દિવસની ઉજવણી કરી હતી. માણસામાં આવેલ સાયન્સ કોલેજમાં યોગ દિવસની ઉજવણી કરાઈ હતી જેમાં ધારાસભ્યો અને સ્થાનિકો પણ હાજર રહ્યાં હતા. સ્વસ્થ જીવન માટે યોગ થીમ પર યોગ દિવસની ઉજવણી કરાઈ હતી. ગુજરાત યોગ બોર્ડના ચેરમેન શિશપાલ રાજપૂત પણ હાજર રહ્યાં અને માણસા ધારાસભ્ય જે.એસ.પટેલ પણ હાજર રહ્યાં હતા.

આ પણ વાંચો : World Yoga Day 2026 : અમદાવાદ રિવરફ્રન્ટ પર વિશ્વ યોગ દિવસની ભવ્ય ઉજવણી, ગુજરાત ભાજપ પ્રદેશ પ્રમુખ જગદીશભાઈ વિશ્વકર્મા રહ્યાં હાજર

 

View this post on Instagram

 

A post shared by Gujarat First (@gujaratfirst)