World Yoga Day 2026 : વડોદરામાં 12 માં આંતરરાષ્ટ્રીય યોગ દિવસની ભવ્ય ઉજવણી, મંત્રી જીતુભાઈ વાઘાણી રહ્યાં હાજર

વડોદરા મહાનગરપાલિકા દ્વારા વિશાળ યોગ કાર્યક્રમનું આયોજન કરાયું અને મોટી સંખ્યામાં નાગરિકો, યુવાનો અને વરિષ્ઠ નાગરિકોએ ઉત્સાહભેર ભાગ લીધો.

તંદુરસ્ત અને આત્મનિર્ભર જીવન માટે વડોદરામાં યોગની જ્યોત

યોગ દ્વારા તંદુરસ્ત, સક્રિય અને આત્મનિર્ભર જીવન જીવવાનો સંદેશ આપવામાં આવ્યો હતો. વડોદરામાં યોગ દિવસની ઉજવણીમાં લોકોએ યોગ કર્યા હતા. મંત્રી જીતુભાઈ વાઘાણી અને ધારાસભ્યો આ યોગ કાર્યક્રમમાં હાજર રહ્યાં હતા અને સ્વસ્થ રહો અને યોગ કરી રોગ ભગાવોનો સંદેશો આપવામાં આવ્યો હતો. આંતરરાષ્ટ્રીય યોગ દિવસની ઉજવણીને લઈને સમગ્ર દેશમાં ઉત્સાહનો માહોલ છે.

યોગ દિવસ પૂર્વે વડોદરામાં અનોખો નજારો સર્જાયો હતો

આંતરરાષ્ટ્રીય યોગ દિવસ પૂર્વે વડોદરામાં 50થી વધુ મહિલાઓએ સમા સ્પોર્ટ્સ કોમ્પલેક્ષના સ્વિમિંગ પૂલમાં અનોખો 'જળ યોગ' કર્યો. આ સત્ર યોગગુરુ રાજેશ બારોટ અને સુપ્રિયા ભાવસારના માર્ગદર્શન હેઠળ યોજાયું, જેણે ફિટનેસનો સંદેશ આપ્યો હતો. પાણીની સપાટી પર રહીને શરીરનું સંતુલન જાળવવું એ એક મોટી કળા છે. આ પડકારને ઝીલી લેતા મહિલાઓએ ખૂબ જ સચોટતા અને એકાગ્રતા સાથે યોગાસનો કર્યા હતા.

આ પણ વાંચો : World Yoga Day 2026 : માણસામાં રાજય કક્ષાના યોગ દિવસની ઉજવણી, મુખ્યમંત્રી ભુપેન્દ્રભાઈ પટેલની વિશેષ ઉપસ્થિતિ