5 KM નો સમગ્ર વિસ્તારને 'પ્રતિબંધિત ઝોન' જાહેર

આ જાહેરનામા અનુસાર, ઝાંઝરી ધોધથી લઈને ગંગેશ્વર મહાદેવ ચેકડેમ સુધીના લગભગ 5 કિલોમીટરના સમગ્ર વિસ્તારને 'પ્રતિબંધિત ઝોન' જાહેર કરવામાં આવ્યો છે. આ સમયગાળા દરમિયાન પ્રવાસીઓના નદીમાં ન્હાવા પર, નદીના કિનારે જવા પર તેમજ જોખમી શીલાઓ પર ચઢીને ફોટોગ્રાફી કરવા પર સંપૂર્ણ પ્રતિબંધ મૂકવામાં આવ્યો છે. વહીવટીતંત્ર દ્વારા લેવાયેલો આ નિર્ણય જાહેર સલામતીના દ્રષ્ટિકોણથી અત્યંત આવશ્યક માનવામાં આવે છે, કારણ કે ભૂતકાળમાં આ વિસ્તારમાં અનેક લોકો ડૂબી જવાની ઘટનાઓ બની ચૂકી છે.

આ જાહેરનામું તા. 9 જુલાઈ થી 6 સપ્ટેમ્બર સુધી

આ જાહેરનામું તારીખ 9 જુલાઈ 2026 થી 6 સપ્ટેમ્બર 2026  સુધી અમલમાં રહેશે. તંત્ર દ્વારા સ્પષ્ટ સૂચના આપવામાં આવી છે કે જે કોઈ પણ વ્યક્તિ આ જાહેરનામાનો ભંગ કરશે, તેની સામે ભારતીય ન્યાય સંહિતા (BNS) ની કલમ ૨૨૩ હેઠળ કાયદેસરની કાર્યવાહી કરવામાં આવશે. સ્થાનિક પોલીસ અને વહીવટી અધિકારીઓને આ વિસ્તારમાં પેટ્રોલિંગ વધારવા અને પ્રવાસીઓને અટકાવવા માટે ખાસ સૂચનાઓ આપી દેવામાં આવી છે.

Zanzari Waterfall Ban:  અરવલ્લી પ્રશાસન દ્વારા તમામ પ્રવાસીઓને અપીલ

અરવલ્લી પ્રશાસને તમામ પ્રવાસીઓને અપીલ કરી છે કે, તેઓ તંત્રના આ આદેશનું પાલન કરે અને પોતાના તથા પરિવારના જીવનું જોખમ ન ઉઠાવે. આ દરમિયાન કોઈ પણ અનિચ્છનીય ઘટના ન ઘટે તે માટે વન વિભાગ અને પોલીસની ટીમ સતત તૈનાત રહેશે. પ્રકૃતિ પ્રેમીઓને આ સમયગાળા દરમિયાન આ વિસ્તારની મુલાકાત ન લેવા અને સલામતીના નિયમોને પ્રાધાન્ય આપવા વિનંતી કરવામાં આવી છે.

આ પણ વાંચો: Delhi-NCR Rain : દિલ્હી-એનસીઆરમાં વરસાદનું તાંડવ, બાલ્કની અને રસ્તા તૂટતા લોકોમાં ફફડાટ, જુઓ Video