ભાવમાં સ્થિરતા બાદ ભાડામાં મળશે રાહત

કેન્દ્રીય મંત્રીએ સ્પષ્ટ કર્યું કે તાજેતરમાં એટીએફ (ATF) ની કિંમતોમાં થોડો ઘટાડો જોવા મળ્યો છે, પરંતુ સરકાર એ સુનિશ્ચિત કરવા માંગે છે કે આ ઘટાડો કામચલાઉ (Temporary) ન રહેતા લાંબા સમય સુધી ટકી રહે. જો ઈંધણના ભાવ લાંબા ગાળા માટે સ્થિર રહેશે, તો વર્તમાન સરચાર્જ અને વધારાના ભાડા ઘટાડવા (Fare Reduction) ની દિશામાં નક્કર પગલાં લેવામાં આવશે. છેલ્લા 4 મહિના એવિએશન સેક્ટર (Aviation Sector) માટે ખૂબ જ પડકારજનક રહ્યા હોવાથી એરલાઇન્સે ખર્ચના દબાણને કારણે ભાડામાં વધારો કર્યો હતો. હવે સરકાર એ ચકાસી રહી છે કે ખર્ચમાં થયેલી આ રાહતનો સીધો લાભ મુસાફરો (Passengers) ને આપી શકાય કે કેમ.

દર 15 દિવસે થાય છે સમીક્ષા

કેન્દ્ર સરકાર વૈશ્વિક બજાર (Global Market) માં કાચા તેલની કિંમતોના આધારે દર 15 દિવસે ATF ના ભાવોની સમીક્ષા કરે છે. કોઈપણ એરલાઇન્સના કુલ સંચાલન ખર્ચ (Operating Cost) નો સૌથી મોટો હિસ્સો ATF હોય છે, તેથી તેના ભાવમાં થતો ફેરફાર સીધી રીતે ફ્લાઇટ ટિકિટ (Flight Tickets) પર અસર કરે છે.

એરલાઇન્સને સરકારનું સમર્થન

અમેરિકા-ઈરાન તણાવ અને વૈશ્વિક અનિશ્ચિતતાઓ (Global Uncertainties) વચ્ચે પણ સરકારે એવિએશન સેક્ટરને રાહત આપવા માટે અનેક પગલાં લીધા છે. જેમાં ઘરેલું એરલાઇન્સ માટે ATF કિંમતો નિયંત્રિત કરવી, એરપોર્ટ શુલ્કમાં રાહત આપવી અને ઇમરજન્સી ક્રેડિટ લિંકેજ યોજના (Emergency Credit Line Scheme) હેઠળ આર્થિક સહાય પૂરી પાડવાનો સમાવેશ થાય છે. સરકારનું કહેવું છે કે, વૈશ્વિક અને સ્થાનિક સ્થિતિ પર નજર રાખવામાં આવી રહી છે અને કિંમતોમાં સ્થિરતાના સંકેત મળતા જ હવાઈ યાત્રા સસ્તી કરવા માટે આવશ્યક પગલાં લેવામાં આવશે.

આ પણ વાંચો : Passport Fee Hike : પાસપોર્ટ કઢાવવો હવે થશે મોંઘો,જાણો ફી માં કેટલો કરવામાં આવ્યો વધારો ?