Airtel-Vodafone આઈડિયાને ઝટકો, AGR પર છૂટ આપવાનો સુપ્રીમ કોર્ટનો ઈનકાર
- SC એ ટેલિકોમ કંપનીઓ આપ્યો ઝટકો
- ટેલિકોમ કંપનીઓની અરજીઓ ફગાવી
- સંયુક્ત અરજીમાં દલીલ કરવામાં આવી
Supreme Court : સુપ્રીમ કોર્ટે સોમવારે (Supreme Court)ટેલિકોમ કંપનીઓ ભારતી એરટેલ, Vi અને TATA ટેલિસર્વિસિસ દ્વારા દાખલ કરાયેલી અરજીઓ ફગાવી દીધી હતી, જેમાં તેમના AGR લેણાં સંબંધિત વ્યાજ, ફાઇન અને ફાઇન પરનું વ્યાજ માફ કરવાની માંગ (Adjusted Gross Revenue) કરવામાં આવી હતી.
જસ્ટિસ જે.બી. પારડીવાલાની આગેવાની માંગો કોર્ટે કર્યો ઇનકાર
જસ્ટિસ જે.બી. પારડીવાલાની આગેવાની હેઠળની બેન્ચે અરજીઓને "ખોટી રીતે તૈયાર કરાયેલી" ગણાવી. ગંભીર નાણાકીય તણાવનો સામનો કરી રહેલી વોડાફોન આઈડિયાએ AGR સંબંધિત જવાબદારીઓમાં 45,000 કરોડ રૂપિયાથી વધુની માફી માંગ્યાના એક દિવસ બાદ જ આ નિર્ણય લેવામાં આવ્યો છે. ભારતી એરટેલે પણ "ન્યાયી ધોરણે" રાહત મેળવવા માટે આવી જ અરજી દાખલ કરી હતી. ચાલો જાણીએ કે ટેલિકોમ કંપનીઓએ તેમની અરજીમાં શું કહ્યું અને સુપ્રીમ કોર્ટે કેવા પ્રકારનો આદેશ આપ્યો છે.
એરટેલની અરજી
ભારતી એરટેલે તેની અરજીમાં તેના યુનિટ ભારતી હેક્સાકોમ સાથે મળીને વ્યાજ અને દંડના બાકી 34,745 કરોડ રૂપિયા માફ કરવાની માંગ કરી હતી, અને દાવો કર્યો હતો કે 1 સપ્ટેમ્બર, 2020 ના રોજ AGR પર સુપ્રીમ કોર્ટના અગાઉના નિર્ણયથી ટેલિકોમ ક્ષેત્રમાં નોંધપાત્ર નાણાકીય તણાવ સર્જાયો છે. તેમણે સ્પષ્ટતા કરી કે તેમનો ઇરાદો કોર્ટના નિર્ણયને પડકારવાનો નથી પરંતુ દંડ અને વ્યાજના બોજમાંથી રાહત મેળવવાનો છે.સંયુક્ત અરજીમાં દલીલ કરવામાં આવી હતી કે સરકાર દ્વારા ટેલિકોમ સેવા પ્રદાતાઓ (TSPs) સાથે અસમાન વર્તન બંધારણની કલમ 14નું ઉલ્લંઘન કરશે અને ક્ષેત્રની નાણાકીય સ્થિરતાને નબળી પાડશે. તેમાં 2020 ના નિર્ણયથી પ્રભાવિત તમામ ઓપરેટરો વચ્ચે સમાન તકની જરૂરિયાત પર ભાર મૂકવામાં આવ્યો હતો.
વોડાફોન આઈડિયાએ અરજીમાં આ માંગ કરી હતી
વોડાફોન આઈડિયાએ તેની અલગ અરજીમાં 83,400 કરોડ રૂપિયાની AGR જવાબદારીનો ઉલ્લેખ કર્યો છે, જેમાં 12,797 કરોડ રૂપિયાની મુખ્ય બાકી રકમ, 28,294 કરોડ રૂપિયાનું વ્યાજ, 6,012 કરોડ રૂપિયાનો દંડ અને 11,151 કરોડ રૂપિયાનો દંડ શામેલ છે. કંપનીએ ચેતવણી આપી હતી કે રાહત વિના, તેનું અસ્તિત્વ જોખમમાં છે, જે સંભવિત રીતે લગભગ 200 મિલિયન ગ્રાહકોને અસર કરશે.