BREAKING : કોમર્શિયલ LPG ગેસ સિલિન્ડર થયો સસ્તો, કિંમત જાણી ચોંકી જશો

• કોમર્શિયલ LPG સિલિન્ડર થયો સસ્તો
• 19 કિલોગ્રામના કોમર્શિયલમાં  24 રૂપિયાનો ઘટાડો
• 1 જૂનથી અમલમાં આવશે.

LPG Cylinder Price: એલપીજી સિલિન્ડરના (LPG Cylinder)ભાવમાં મોટો ઘટાડો કરવામાં આવ્યો છે. ઓઇલ માર્કેટિંગ કંપનીઓએ (Oil Marketing Companies)કોમર્શિયલ એલપીજી ગેસ સિલિન્ડરના ભાવમાં આ ઘટાડો કર્યો છે. મળતી માહિતી મુજબ, 19 કિલોગ્રામના કોમર્શિયલ એલપીજી ગેસ સિલિન્ડરના ભાવમાં 24 રૂપિયાનો ઘટાડો થયો છે. આ ઘટાડો 1 જૂનથી અમલમાં આવશે.

1 મેના 15 રૂપિયાનો ઘટાડો  કરાયો  હતો

આ પહેલા 1 મેના રોજ કોમર્શિયલ ગેસ સિલિન્ડરના ભાવમાં 15 રૂપિયાનો ઘટાડો કરવામાં આવ્યો હતો. જોકે, ઘરેલુ ગેસ સિલિન્ડરના ભાવમાં કોઈ ફેરફાર થયો નથી. એપ્રિલમાં કોમર્શિયલ એલપીજી સિલિન્ડર 1762 રૂપિયામાં ઉપલબ્ધ હતું.

આ પણ  વાંચો -RBI નો ચોંકાવનારો ખૂલાસો, શું તમારી પાસે 200-500ની નકલી નોટ નથી ને?

કોમર્શિયલ સિલિન્ડર 24 રૂપિયા સસ્તા મળશે

તેલ કંપનીઓએ શનિવારે કોમર્શિયલ સિલિન્ડરના ભાવમાં ઘટાડો કરવાની જાહેરાત કરી છે. આ ફેરફાર રવિવાર, 1 જૂનથી અમલમાં આવશે. ત્યારબાદ હવે દિલ્હીમાં 19 કિલોગ્રામનો કોમર્શિયલ LPG સિલિન્ડર 1723.50 રૂપિયામાં મળશે. કંપનીઓએ જણાવ્યું હતું કે તેમણે ભાવ ઘટાડ્યા છે. હવે 1 જૂનથી દિલ્હીમાં કોમર્શિયલ સિલિન્ડરનો છૂટક વેચાણ ભાવ 1723.50 રૂપિયા થશે.

આ પણ  વાંચો -LIC એ ગૌતમ અદાણીની આ કંપનીમાં 5000 કરોડનું કર્યુ રોકાણ

હોટલ, રેસ્ટોરન્ટને વધુ ફાયદો થશે

તમને જણાવી દઈએ કે કોમર્શિયલ સિલિન્ડરના ભાવમાં આ ઘટાડો વેપારીઓ માટે રાહતના સમાચાર છે. આનાથી તેમની કિંમતમાં ઘટાડો થશે. તેની અર્થવ્યવસ્થા પર પણ સકારાત્મક અસર પડી શકે છે. કોમર્શિયલ સિલિન્ડરનો ઉપયોગ મોટે ભાગે હોટલ, રેસ્ટોરન્ટ અને અન્ય કોમર્શિયલ સંસ્થાઓમાં થાય છે. કિંમતોમાં ઘટાડાને કારણે, આ વ્યવસાયોના સંચાલન ખર્ચમાં ઘટાડો થશે. આનાથી તેમને થોડી રાહત મળશે. ખર્ચમાં ઘટાડાને કારણે, વ્યવસાયોને પણ પ્રોત્સાહન મળશે. આનાથી આર્થિક પ્રવૃત્તિઓમાં થોડો વધારો થવાની સંભાવના છે.