BRICS દેશો ડિજિટલ ચલણ શરૂ કરવાની તૈયારીમાં, ડોલર પર દબાવ વધશે
- અમેરિકાનો દબદબો ઘટાડવા માટે બ્રિક્સ દેશો પોતાનું ડિજિટલ ચલણ લાગુ કરી શકે છે
- ભારતમાં આયોજિત સમિટમાં આ નિર્ણયની જાહેરાત કરવામાં આવી તેવી પ્રબળ શક્યતાઓ
- ભારતે પાડોશી દેશ ચીન જોડે સંતુલન બનાવીને ચાલવું પડે તેવી સ્થિતી
- આ નિર્ણયથી અમેરિકાના પેટમાં તેલ રેડાવવાની પૂરેપૂરી શક્યતાઓ
BRICS Nation Plan To Launch Common Digital Currency : BRICS દેશો "BRICS Pay" અને સ્થાનિક દેશોના ચલણો (જેમ કે રૂપિયા-રુબલ ટ્રેડિંગ) જેવી ડિજિટલ ચુકવણી પ્રણાલીઓ પર વધુને વધુ ધ્યાન કેન્દ્રિત કરી રહ્યા હોવાનું જાણવા મળી રહ્યું છે. વર્ષ 2026 માં ભારતમાં યોજાનારી BRICS સમિટમાં સોના આધારિત યુનિટ અથવા ડિજિટલ ચલણની જાહેરાત થવાની શક્યતાઓ હાલ સેવાઇ રહી છે. જો BRICS દેશો (બ્રાઝિલ, રશિયા, ભારત, ચીન અને દક્ષિણ આફ્રિકા, વત્તા નવા સભ્યો) એક નવું સર્વ માન્ય ચલણ (Common Currency) રજૂ કરે છે, તો તેની વૈશ્વિક અર્થતંત્ર પર શું અસર પડશે અને તે ડોલરને કેટલું નબળું પાડી શકે છે? ચાલો વિગતવાર જાણીએ.
ડી-ડોલરાઇઝેશનની શરૂઆત થઇ શકે
હાલમાં, લગભગ 80-90% વૈશ્વિક વેપાર અમેરિકન ડોલરમાં થાય છે. જો BRICS દેશો (વિશ્વની 40% થી વધુ વસ્તી અને GDP ના આશરે 30% નું પ્રતિનિધિત્વ કરે છે) તેમના પોતાના ચલણમાં વેપાર શરૂ કરે છે, તો વૈશ્વિક બજારમાં ડોલરની માંગમાં તીવ્ર ઘટાડો થશે. આને "ડી-ડોલરાઇઝેશન" કહેવામાં આવે છે.
આ પણ વાંચો ------- Silver Price Hike : 2025ના ખરીદદારો માટે 2026માં 'ચાંદી જ ચાંદી'! જાણો કેટલો થયો ભાવ
આર્થિક સર્વભૌમત્વ વધશે
રુસો-યુક્રેનિયન યુદ્ધ પછી, યુએસએ રશિયાને ડોલર-આધારિત વૈશ્વિક ચુકવણી પ્રણાલી (SWIFT) માંથી બાકાત રાખ્યું છે. BRICS દેશો પોતાનું ચલણ રજૂ કરીને આવા યુએસ પ્રતિબંધોથી પોતાને બચાવવાનો હેતુ ધરાવે છે. આ તેમની આર્થિક સાર્વભૌમત્વ વધારશે.
ભારતે સંતુલન બનાવી રાખવું પડશે
જો આમ થાય તો, ભારતને ક્રૂડ ઓઇલ કે અન્ય ચીજવસ્તુઓ ખરીદવા માટે વારંવાર ડોલર ખરીદવા પડશે નહીં, જેનાથી ટ્રાન્ઝેક્શન ફી બચશે, અને વિદેશી હૂંડિયામણના રીઝર્વ ક્વોટા પર દબાણ ઘટશે. ભારતે નવા ચલણ પર ચીન (યુઆન)નું વર્ચસ્વ ન રહે તે માટે સંતુલન બનાવવું પડશે. જો કે, હાલમાં ભારત આંતરરાષ્ટ્રીય સ્તરે તેના ચલણ, રૂપિયાને મજબૂત બનાવવાને પ્રાથમિકતા આપી રહ્યું છે.
અમેરિકન ડોલર સુધી પહોંચવામાં દાયકાઓ લાગી શકે
નિષ્ણાતો માને છે કે, ડોલરનું સંપૂર્ણ રિપ્લેસમેન્ટ હાલમાં અશક્ય છે, કારણ કે, યુએસ ડોલરને વિશ્વની સૌથી પારદર્શક અને સ્થિર કાનૂની વ્યવસ્થા દ્વારા સમર્થન આપવામાં આવે છે. બ્રિક્સ દેશો (જેમ કે રશિયા અને ચીન) ની અર્થવ્યવસ્થાઓમાં તે પારદર્શિતાનો અભાવ છે. ડોલર સાર્વત્રિક રીતે સ્વીકૃત છે. નવી ચલણને આ સ્તર સુધી પહોંચવામાં દાયકાઓ લાગી શકે છે.
આ પણ વાંચો -------- ભારત અને ચીનના GenZ ની સમજમાં મોટો તફાવત, જાણો એક્સપર્ટે કઇ બાબતે ચેતવ્યા