Budget 2026 : દરેક જિલ્લામાં બનશે ગર્લ્સ હોસ્ટેલ, AVCG કન્ટેન્ટ ક્રિએટર લેબ બનાવવાની પણ કરી જાહેરાત
- Budget 2026 : દરેક જિલ્લામાં એક ગર્લ્સ હોસ્ટેલ બનાવવાની જાહેરાત
- 5 યુનિવર્સિટી ટાઉનશીપ બનાવવાની પણ જાહેરાત
- AVCG કન્ટેન્ટ ક્રિએટર લેબ બનાવવામાં આવશે
- પૂર્વ ભારતમાં ડિઝાઈન ઈન્સ્ટીટ્યૂટ બનાવવામાં આવશે
Budget 2026 : નાણામંત્રી નિર્મલા સીતારમણે શિક્ષણ ક્ષેત્ર અંગે બજેટમાં મોટી જાહેરાત કરી છે. બજેટમાં જણાવ્યું હતું કે તેમની સરકાર પાંચ યુનિવર્સિટીઓ સ્થાપવામાં રાજ્યોને ટેકો આપશે. આ યોજનાઓ શૈક્ષણિક ક્ષેત્રો માટે હશે. ઉચ્ચ શિક્ષણ ક્ષેત્રે એક STEM યુનિવર્સિટી સ્થાપિત કરવામાં આવશે. વિદ્યાર્થીનીઓ અભ્યાસમાં વધારે સમયફાળવી શકે તે માટે દરેક જિલ્લામાં એક કન્યા છાત્રાલય સ્થાપિત કરવામાં આવશે. નાણામંત્રીએ એવી પણ જાહેરાત કરી હતી કે તબીબી પર્યટનને પ્રોત્સાહન આપવામાં આવશે. પાંચ પ્રાદેશિક તબીબી કેન્દ્રોનું આયોજન છે. ત્રણ નવી આયુર્વેદ સંસ્થાઓ પણ ખોલવામાં આવશે.
Union Budget 2026-27 | Union Finance Minister Nirmala Sitharaman says,"...I propose multiple steps towards setting up new institutes, University townships, girls hostel and telescope infrastructure facilities in investment in higher education sector. A girls hostel will be built… pic.twitter.com/mqegmq3NCc
— ANI (@ANI) February 1, 2026
Budget 2026 : એજ્યુકેશન ક્ષેત્રે કરવામાં આવી મોટી જાહેરાત
- ખગોળશાસ્ત્રને પ્રોત્સાહન આપવા માટે કાર્ય કરવામાં આવશે.
- ડિજિટલ જ્ઞાન ગ્રીડ સ્થાપિત કરવામાં આવશે અને હસ્તપ્રતોને પણ પ્રોત્સાહન આપવામાં આવશે.
- નોકરીઓ માટે એક નવી ઇકોસિસ્ટમ બનાવવામાં આવશે. ભારતમાં ઘણી તકો છે.
- અમે હિમાચલ, ઉત્તરાખંડ અને કાશ્મીરમાં ઇકોલોજીકલ રીતે ટકાઉ ટ્રેકિંગ સિસ્ટમ્સ લાગુ કરવા જઈ રહ્યા છીએ.
- વેટરનરી કોલેજ અને હોસ્પિટલ બનાવવાની યોજના પણ શરૂ કરવામાં આવશે. પરીક્ષણ પ્રયોગશાળાઓને અપગ્રેડ કરવાની પણ વ્યવસ્થા કરવામાં આવશે.
- ચાર ટેલિસ્કોપ ઇન્ફ્રાસ્ટ્રક્ચર સુવિધાઓ સ્થાપિત કરવામાં આવશે.
Union Budget 2026-27 | Union Finance Minister Nirmala Sitharaman says,"... India’s Animation, Visual Effects, Gaming and Comics AVGC sector is a growing industry, projected to require 2 million professionals by 2030. I propose to support the Indian Institute of Creative… pic.twitter.com/XJ0XSnyuyv
— ANI (@ANI) February 1, 2026
કન્ટેન્ટ ક્રિએટિવ લેબ બનાવવાની કરવામાં આવી જાહેરાત
નાણામંત્રીએ જણાવ્યું હતું કે, એનિમેશન, વિઝ્યુઅલ ઇફેક્ટ્સ, ગેમિંગ અને કોમિક્સ (AVGC) ક્ષેત્રમાં તેજીને ધ્યાનમાં રાખીને, 15,000 માધ્યમિક શાળાઓ અને 500 કોલેજોમાં AVGC કન્ટેન્ટ ક્રિએટર લેબ્સ સ્થાપિત કરવા માટે ઇન્ડિયન ઇન્સ્ટિટ્યૂટ ઓફ ક્રિએટિવ ટેક્નોલોજીસને સહાયનો પ્રસ્તાવ મૂકવામાં આવ્યો છે. બજેટમાં 15,000 માધ્યમિક શાળાઓમાં કન્ટેન્ટ લેબ્સ સ્થાપિત કરવા માટે ઇન્ડિયન ઇન્સ્ટિટ્યૂટ ઓફ ક્રિએટિવ ટેક્નોલોજીસ, મુંબઈને સહાય પૂરી પાડવાનો પણ પ્રસ્તાવ છે. નાણામંત્રીએ રમતગમત ક્ષેત્રને પરિવર્તિત કરવા માટે ખેલો ઇન્ડિયા મિશન શરૂ કરવાનો પ્રસ્તાવ મૂક્યો.
આ પણ વાંચો : Budget 2026 : નાણામંત્રી નિર્મલા સીતારમણનો સાડી લુક કેમ ખાસ છે?