ક્રૂડ ઓઇલ તો સસ્તુ થયું! શું હવે સસ્તુ થશે પેટ્રોલ?

• ક્રૂડ ઓઇલના ભાવમાં 13 ટકાનો ઘટાડો
• શું હવે પેટ્રોલના ભાવ સસ્તા થશે ?
• શું છે પેટ્રોલ અને ડીઝલના વર્તમાન ભાવ

Crude oil prices fall: આ અઠવાડિયાની વાત કરીએ તો, બ્રેન્ટ ક્રૂડ ઓઇલના ભાવમાં 10.9 ટકાનો ઘટાડો થયો છે અને છેલ્લા બે દિવસમાં, બ્રેન્ટ ક્રૂડ ઓઇલમાં 12.50 ટકાનો ઘટાડો જોવા મળ્યો છે. જે દોઢ વર્ષમાં ટકાવારીની દ્રષ્ટિએ તેનું સૌથી મોટું સાપ્તાહિક નુકસાન છે. બીજી તરફ, યુએસ ક્રૂડ ઓઇલના ભાવમાં એક અઠવાડિયામાં 10.6 ટકાનો ઘટાડો થયો છે, જે બે વર્ષમાં સૌથી મોટો ઘટાડો છે.

ક્રૂડ ઓઇલના ભાવમાં 13 ટકાનો ઘટાડો

ટ્રમ્પની ટેરિફ જાહેરાત અને ત્યારબાદ ચીન દ્વારા બદલો લેવાના ટેરિફ બાદ, ક્રૂડ ઓઇલના ભાવમાં લગભગ 13 ટકાનો ઘટાડો થયો છે. છેલ્લા એક અઠવાડિયામાં, ક્રૂડ ઓઇલના ભાવમાં 10 ટકાથી વધુનો ઘટાડો જોવા મળ્યો છે, જે બે વર્ષ પછી ક્રૂડ ઓઇલના ભાવમાં સૌથી મોટો સાપ્તાહિક ઘટાડો છે. આ ઘટાડા પછી, કિંમતો ત્રણ વર્ષમાં સૌથી નીચા સ્તરે પહોંચી ગઈ છે. ખાડી દેશોમાંથી આવતા ક્રૂડ ઓઇલના ભાવ $65 થી નીચે આવી ગયા છે અને અમેરિકન ઓઇલના ભાવ $62 પ્રતિ બેરલથી નીચે આવી ગયા છે.

કાચા તેલના ભાવ 35 રૂપિયા પ્રતિ લિટર થયા

ક્રૂડ ઓઇલના ભાવને લઈને ચોંકાવનારા આંકડા પ્રકાશમાં આવ્યા છે. કાચા તેલના ભાવ ઘટીને 35 રૂપિયા પ્રતિ લિટર થઈ ગયા છે. એટલે કે, આંતરરાષ્ટ્રીય બજારમાં એક લિટર ક્રૂડ ઓઇલ કોક અને પેસ્પી કરતાં સસ્તું થઈ ગયું છે. આ પછી પણ, ભારતમાં પેટ્રોલ અને ડીઝલના ભાવ 100 રૂપિયા પ્રતિ લિટરથી ઉપર છે. માર્ચ 2024 માં, પેટ્રોલ અને ડીઝલના ભાવમાં 2 રૂપિયાનો ફ્લેટ ઘટાડો થયો હતો. ત્યારબાદ દેશમાં પેટ્રોલ અને ડીઝલના ભાવમાં કોઈ ખાસ ફેરફાર જોવા મળ્યો નથી. ચાલો જાણીએ કે, આંતરરાષ્ટ્રીય બજારમાં પેટ્રોલ અને ડીઝલના ભાવ શું છે અને આગામી દિવસોમાં પેટ્રોલ અને ડીઝલના ભાવ કેટલા રહેશે.

રોકાણકારોના મનમાં મંદીની શક્યતા

શુક્રવારે તેલના ભાવ 7 ટકા ઘટીને ત્રણ વર્ષના સૌથી નીચા સ્તરે પહોંચી ગયા. હકીકતમાં, ચીને અમેરિકન માલ પર ટેરિફ વધારીને વેપાર યુદ્ધ શરૂ કર્યું, જેના કારણે રોકાણકારોના મનમાં મંદીની શક્યતા વધી ગઈ છે. વિશ્વના સૌથી મોટા તેલ આયાતકાર ચીને જાહેરાત કરી છે કે તે 10 એપ્રિલથી તમામ યુએસ માલ પર 34 ટકાનો વધારાનો ટેરિફ લાદશે. ટ્રમ્પના ટેરિફ વોર પછી, વિશ્વભરના દેશોએ બદલો લેવાની તૈયારી કરી છે. કુદરતી ગેસ, સોયાબીન અને સોના જેવી વસ્તુઓમાં પણ ઘટાડો થયો છે, જ્યારે વૈશ્વિક શેરબજારોમાં ઘટાડો જોવા મળી રહ્યો છે. ઇન્વેસ્ટમેન્ટ બેંક જેપી મોર્ગન અનુસાર, આ વર્ષના અંત સુધીમાં વૈશ્વિક આર્થિક મંદીની શક્યતા 60 ટકા છે, જે અગાઉ 40 ટકા હતી.

આ પણ વાંચો :  Tariff યુદ્ધે વૈશ્વિક નાણાકીય બજારોને હચમચાવ્યું, આર્થિક મંદીના એંધાણ

જો આપણે આ અઠવાડિયાની વાત કરીએ તો, બ્રેન્ટ ક્રૂડ ઓઇલના ભાવમાં 10.9 ટકાનો ઘટાડો થયો છે અને છેલ્લા બે દિવસમાં, બ્રેન્ટ ક્રૂડ ઓઇલમાં 12.50 ટકાનો ઘટાડો થયો છે. જે દોઢ વર્ષમાં ટકાવારીની દ્રષ્ટિએ તેનું સૌથી મોટું સાપ્તાહિક નુકસાન છે. બીજી તરફ, યુએસ ક્રૂડ ઓઇલના ભાવમાં એક અઠવાડિયામાં 10.6 ટકાનો ઘટાડો થયો છે, જે બે વર્ષમાં સૌથી મોટો ઘટાડો છે. જ્યારે ક્રૂડ ઓઇલના ભાવમાં બે દિવસમાં 13.50 ટકાથી વધુનો ઘટાડો જોવા મળ્યો છે.

નિષ્ણાંત શું કહે છે ?

યુનાઈટેડ આઈસીએપીના એનર્જી નિષ્ણાત સ્કોટ શેલ્ટને જણાવ્યું કે, આ ક્રૂડ ઓઈલના વાજબી મૂલ્યની નજીક છે, જ્યાં સુધી અમને ખરેખર માંગ કેટલી ઘટી છે તેનો કોઈ સંકેત ન મળે. શેલ્ટને કહ્યું કે મારા મતે અમે નજીકના ભવિષ્યમાં WTIની કિંમત $50ના સ્તરે પહોંચતા જોઈશું. તેમણે ચેતવણી આપી હતી કે બજારની વર્તમાન સ્થિતિમાં માંગમાં ઘટાડો થશે. ફેડરલ રિઝર્વના ચેરમેન જેરોમ પોવેલે જણાવ્યું હતું કે ટ્રમ્પના નવા ટેરિફ અપેક્ષિત કરતાં વધુ છે અને ઉચ્ચ ફુગાવો અને ધીમી વૃદ્ધિ સહિતની આર્થિક અસર સમાન હશે, જે યુએસ સેન્ટ્રલ બેંક માટે આગળ સંભવિત મુશ્કેલ નિર્ણયો તરફ નિર્દેશ કરે છે.

ટ્રમ્પની નીતિઓ ફુગાવો વધારી શકે

ઓઈલના ભાવ પર વધુ દબાણ આપતા, પેટ્રોલિયમ નિકાસ કરનારા દેશો અને સહયોગી દેશો (OPEC ) એ ઉત્પાદન વધારાની યોજનાઓ સાથે આગળ વધવાનો નિર્ણય કર્યો. આ જૂથ હવે મે મહિનામાં 4,11,000 બેરલ પ્રતિ દિવસ (bpd) બજારમાં પાછું મૂકવાનું લક્ષ્ય રાખે છે, જે અગાઉના આયોજન મુજબ 1,35,000 bpd હતું. ટ્રમ્પના નવા ટેરિફમાંથી તેલ, ગેસ અને રિફાઇન્ડ ઉત્પાદનોની આયાતને મુક્તિ આપવામાં આવી હતી, પરંતુ આ નીતિઓ ફુગાવો વધારી શકે છે, આર્થિક વૃદ્ધિ ધીમી કરી શકે છે અને વેપાર યુદ્ધો વધારી શકે છે, જે ઓઈલના ભાવને નુકસાન પહોંચાડી શકે છે.

આ પણ વાંચો :  Tariff War : ચીને આપ્યો અમેરિકાને જડબાતોડ જવાબ, 34% ટેરિફ લાદ્યો

પેટ્રોલ-ડીઝલમાં 5 રૂપિયાનો ઘટાડો થવો જોઈએ

નિષ્ણાતોના મતે, પેટ્રોલ અને ડીઝલના ભાવમાં પ્રતિ લિટર 5 રૂપિયાનો ઘટાડો થવો જોઈએ. ક્રૂડ ઓઇલના ભાવ કયા સ્તરે જવાનો અંદાજ છે. તે મુજબ, ભારતમાં પેટ્રોલ અને ડીઝલના ભાવમાં 20 થી 25 રૂપિયાનો ઘટાડો થવો જોઈએ. HDFC સિક્યોરિટીઝના કોમોડિટી કરન્સીના વડા અનુજ ગુપ્તાએ જણાવ્યું હતું કે ક્રૂડ ઓઇલના ભાવમાં નોંધપાત્ર ઘટાડો થયો છે. આગામી દિવસોમાં આંતરરાષ્ટ્રીય બજારમાં ક્રૂડ ઓઇલના ભાવમાં વધુ ઘટાડો થશે. આવી સ્થિતિમાં, ઓઇલ માર્કેટિંગ કંપનીઓએ પેટ્રોલ અને ડીઝલના ભાવ ઘટાડવા જોઈએ.

પેટ્રોલ અને ડીઝલના વર્તમાન ભાવ

• નવી દિલ્હી: પેટ્રોલનો ભાવ: 94.77 રૂપિયા પ્રતિ લિટર, ડીઝલનો ભાવ: 87.67 રૂપિયા પ્રતિ લિટર
• કોલકાતા: પેટ્રોલનો ભાવ: 105.01 રૂપિયા પ્રતિ લિટર, ડીઝલનો ભાવ: 91.82 રૂપિયા પ્રતિ લિટર
• મુંબઈ: પેટ્રોલનો ભાવ: 103.50 રૂપિયા પ્રતિ લિટર, ડીઝલનો ભાવ: 90.03 રૂપિયા પ્રતિ લિટર
• ચેન્નાઈ: પેટ્રોલનો ભાવ: 100.80 રૂપિયા પ્રતિ લિટર, ડીઝલનો ભાવ: 92.39 રૂપિયા પ્રતિ લિટર
• બેંગલુરુ: પેટ્રોલનો ભાવ: 102.92 રૂપિયા પ્રતિ લિટર, ડીઝલનો ભાવ: 88.99 રૂપિયા પ્રતિ લિટર
• ચંદીગઢ: પેટ્રોલનો ભાવ: 94.30 રૂપિયા પ્રતિ લિટર, ડીઝલનો ભાવ: 82.45 રૂપિયા પ્રતિ લિટર
• ગુરુગ્રામ: પેટ્રોલનો ભાવ: 95.25 રૂપિયા પ્રતિ લિટર, ડીઝલનો ભાવ: 88.10 રૂપિયા પ્રતિ લિટર
• લખનૌ: પેટ્રોલનો ભાવ: 94.69 રૂપિયા પ્રતિ લિટર, ડીઝલનો ભાવ: 87.81 રૂપિયા પ્રતિ લિટર
• નોઈડા: પેટ્રોલનો ભાવ: 94.87 રૂપિયા પ્રતિ લિટર, ડીઝલનો ભાવ: 88.01 રૂપિયા પ્રતિ લિટર

દેશમાં પેટ્રોલ અને ડીઝલના ભાવમાં કોઈ ફેરફાર જોવા મળ્યો નથી. પેટ્રોલ અને ડીઝલના ભાવમાં છેલ્લો ફેરફાર 15 માર્ચ 2024ના રોજ જોવા મળ્યો હતો. જ્યારે સરકારે ઓઈલના ભાવમાં 2 રૂપિયાનો ઘટાડો કર્યો હતો. તે પછી પણ, દેશના ત્રણ મુખ્ય મહાનગરોમાં પેટ્રોલનો ભાવ હજુ પણ 100 રૂપિયા પ્રતિ લિટર છે. દેશના ચાર મહાનગરોમાં પેટ્રોલના ભાવની વાત કરીએ તો, દેશની રાજધાની દિલ્હી, કોલકાતા, મુંબઈ અને ચેન્નાઈમાં ભાવ અનુક્રમે 94.77 રૂપિયા, 105.01 રૂપિયા, 103.50 રૂપિયા અને 100.80 રૂપિયા પ્રતિ લિટર છે. તે જ સમયે, આ ચાર મહાનગરોમાં ડીઝલનો ભાવ અનુક્રમે 87.67 રૂપિયા, 91.82 રૂપિયા, 90.03 રૂપિયા અને 92.39 રૂપિયા પ્રતિ લિટર થઈ ગયો છે.

આ પણ વાંચો :  Gold price : એક લાખ છોડો! 55000 પર આવશે સોનું, ભાવમાં થશે 40 ટકા સુધીનો ધરખમ ઘટાડો!