Success Story: કાયદાકીય જગતના દિગ્ગજ સાયરલ શ્રોફ, 100 વર્ષ જૂના વારસાને કેવી રીતે આપ્યો નવો આયામ?

Success Story: કાયદાકીય વારસાનો આરંભ

આ પ્રવાસની શરૂઆત 1917 માં થઈ હતી. અમરચંદ શ્રોફે તેમના મિત્ર મંગલદાસ મહેતા સાથે મળીને એક લો ફર્મની સ્થાપના કરી હતી. તે સમયના સ્વદેશી આંદોલનના માહોલમાં આ પેઢીએ હાઈ-ક્વોલિટી લિટિગેશન અને રિયલ એસ્ટેટના ક્ષેત્રમાં મોટી પ્રતિષ્ઠા મેળવી હતી. ત્યારબાદ આ કાયદાકીય વારસો અમરચંદના પુત્ર સુરેશને મળ્યો હતો. સાયરલ અને શાર્દુલ આ વાતાવરણમાં મોટા થયા અને તેમણે તેમના પિતાને ખૂબ જ મહેનત કરતા જોયા હતા.

Success Story: શિક્ષણ અને જીવનના મૂલ્યો

શાળાકીય અભ્યાસ દરમિયાન સાયરલ એક સરેરાશ વિદ્યાર્થી હતા. મુંબઈની બોમ્બે સ્કોટિશ સ્કૂલ અને કેમ્પિયન સ્કૂલમાંથી પ્રાથમિક શિક્ષણ પૂર્ણ કર્યા બાદ તેમણે સિડનહામ કોલેજમાં પ્રવેશ મેળવ્યો હતો. અહીં તેમણે તેમના મિત્ર ઉદય કોટક સાથે અભ્યાસ કર્યો હતો. ત્યારબાદ તેમણે ગવર્મેન્ટ લો કોલેજમાંથી કાયદાનું શિક્ષણ પૂર્ણ કર્યું. 1982 માં તેમણે કાયદાકીય પ્રેક્ટિસની શરૂઆત કરી હતી. તેમણે શરૂઆતના દાયકાઓમાં મુખ્યત્વે લિટિગેટર તરીકે કામ કર્યું હતું.

Success Story: વૈશ્વિકરણ અને આધુનિક યુગમાં સફળતા

1990 ના દાયકામાં ભારતીય અર્થતંત્રમાં મોટા બદલાવ આવ્યા હતા. આ બદલાવનો લાભ લઈને સાયરલ શ્રોફે નવી તકો ઝડપી હતી. તેમની સંસ્થા રિલાયન્સથી લઈને ટાટા જેવી મોટી કંપનીઓના કાનૂની મામલાઓ સંભાળવા લાગી હતી. સાયરલ શ્રોફ ભારતના શ્રેષ્ઠ ટ્રાન્ઝેક્શનલ લોયર તરીકે ઉભરી આવ્યા હતા. તેમની પેઢીએ 2015માં આર્ટિફિશિયલ ઈન્ટેલિજન્સ અપનાવી હતી. 2017 માં આ પેઢીએ તેના 100 વર્ષની ઉજવણી કરી હતી. આજે તેમનો પરિવાર તેમના પત્ની વંદના અને બે બાળકો રિષભ તથા પરિધિ સાથે રહે છે.

આ પણ વાંચો--- Jewels of Gujarat: ભાવનગરના દેપલાથી હોંગકોંગ સુધીનો સફર, ઝુલુ ઘેવરીયાની 'શાઇન બ્રાઇટ' સફળતાગાથા