Electronic Goods Price Hike : ચાર મહિનામાં ત્રીજી વખત મોંઘા થશે ઈલેક્ટ્રોનિક સામાન, જાણો શું છે કારણ?
- ઈલેક્ટ્રોનિક્સ માર્કેટમાં ભાવ વધારાનો ઝટકો! (Electronic Goods Price Hike)
- 4 મહિનામાં 3જી વખત મોંઘા થશે ફ્રિજ અને AC
- સ્માર્ટફોનના ભાવમાં 10-15% સુધીનો તોતિંગ વધારો
- મેમરી ચિપ (Memory Chip) ની અછતથી કંપનીઓની મુશ્કેલી વધી
- ડોલર સામે રૂપિયો નબળો પડતા ઈમ્પોર્ટ કોસ્ટમાં વધારો
Electronic Goods Price Hike : જો તમે આ ઉનાળામાં નવું એસી (AC), રેફ્રિજરેટર કે સ્માર્ટફોન ખરીદવાનું વિચારી રહ્યા હોવ, તો આ સમાચાર તમારા ખિસ્સા પર મોટો બોજ નાખી શકે છે. આગામી દિવસોમાં ઈલેક્ટ્રોનિક સામાનના (Electronic Goods) ભાવમાં ફરી એકવાર વધારો થવા જઈ રહ્યો છે. નવાઈની વાત એ છે કે, છેલ્લા ચાર મહિનામાં આ ત્રીજી વખત હશે જ્યારે કંપનીઓ ભાવ વધારવા જઈ રહી છે.
Electronic Goods Price Hike : કઈ વસ્તુ કેટલી મોંઘી થશે?
ઉદ્યોગના નિષ્ણાતોના મતે એપ્રિલના અંત સુધીમાં સ્માર્ટફોન અને લેપટોપ જેવી વસ્તુઓ મોંઘી થઈ શકે છે. સ્માર્ટફોનના (Smartphone Price Hike) ભાવમાં 10% થી 15% સુધીનો વધારો જોવા મળી શકે છે, જ્યારે લેપટોપ 8% થી 10% સુધી મોંઘા થઈ શકે છે. તેવી જ રીતે AC, ટીવી (TV), ફ્રિજ અને વોશિંગ મશીનના ભાવમાં 5% થી 7% નો વધારો થવાની શક્યતા છે.
ભાવ વધારા પાછળના મુખ્ય કારણો
કાચા માલના વધતા ભાવ અને મેમરી ચિપની (Memory Chip Shortage) અછત આ ભાવ વધારા પાછળના મુખ્ય કારણો છે. આર્ટિફિશિયલ ઈન્ટેલિજન્સ (AI) પ્રોડક્ટ્સની વધતી માંગને કારણે ચિપની કિંમતો આસમાને પહોંચી છે. આ ઉપરાંત ડોલર સામે રૂપિયો નબળો (Weak Rupee) પડતા વિદેશથી આવતા પાર્ટ્સ મોંઘા થયા છે.
કંપનીઓનો પ્લાન: Haier India એ સંકેત આપ્યા
હાયર ઈન્ડિયા (Haier India) જેવી દિગ્ગજ કંપનીઓએ સંકેત આપ્યા છે કે 21 એપ્રિલથી પ્રોડક્ટ્સના ભાવમાં 4% થી 7% સુધીનો વધારો કરવામાં આવશે. અન્ય કંપનીઓ પણ કાચા માલના વધતા ખર્ચને પહોંચી વળવા ભાવ વધારવાની તૈયારીમાં છે. તેથી જો તમે ખરીદી કરવાનું વિચારી રહ્યા હોવ, તો જલ્દી નિર્ણય લેવો ફાયદાકારક રહેશે
આ પણ વાંચો : મોદી કેબિનેટનો મોટો ધડાકો: સરકારી કર્મચારીઓના પગારમાં વધારો, 2% DA Hike મંજૂર!