ભારતમાં Starlink ની એન્ટ્રી, દિલ્હીના WTC માં પહેલી ઓફિસ શરૂ

એક મહત્વપૂર્ણ સંદેશ

અહેવાલ અનુસાર, સ્ટારલિંકે પ્રીમિયમ ફ્લેક્સિબલ વર્કસ્પેસ પ્રોવાઇડર CorporatEdge થકી 50 લોકોને સમાવતી જગ્યા ભાડે લીધી છે. આ પગલાને સ્પેસએક્સના સેટેલાઇટ ઇન્ટરનેટ યુનિટ માટે એક મુખ્ય અને મહત્વપૂર્ણ સંકેત તરીકે જોવામાં આવે છે, જે ભારતમાં ટૂંક સમયમાં લોન્ચ થનાર છે

દિલ્હીનું વર્લ્ડ ટ્રેડ સેન્ટર ટેક કોરિડોર બન્યું

વર્લ્ડ ટ્રેડ સેન્ટરમાં ઓફિસો સ્થાપવાનો નિર્ણય મલ્ટીનેશનલ ટેક કંપનીઓમાં વિવિધ સેવાઓ અને ઓપરેશનલ સરળતા મેળવવાના વલણને ઉજાગર કરે છે. સૂત્રોએ જણાવ્યું હતું કે, "આ કંપનીઓ વધુને વધુ મેનેજ્ડ ઓફિસ પસંદ કરી રહી છે, જે પ્રીમિયમ સેવાઓ સાથે હાઇ એન્ડ વર્ક સ્પેસલ આપી શકે." જાણીતી AI કંપની OpenAI દ્વારા પણ અહીંયા જ કંપની શરૂ કરવામાં આવી છે. હવે આ જગ્યાએ નવા કોર્પોરેટ એલિટ સ્ટાલલિંકની એન્ટ્રી થઇ છે

ભારતમાં સેવાઓ લોન્ચ કરવા માટે તૈયાર સ્ટારલિંક

હવે સ્ટારલિંકે ભારતમાં તેની પહેલી ઓફિસ ખોલી છે, ત્યારે તેની સરકારી વિભાગો પાસેની મંજૂરી અંતિમ તબક્કામાં છે. કંપનીને જૂન 2025 માં ટેલિકોમ્યુનિકેશન વિભાગ (DoT) તરફથી ગ્લોબલ મોબાઇલ પર્સનલ કોમ્યુનિકેશન બાય સેટેલાઇટ (GMPCS) પરમિટ મળી હતી.

સ્પેક્ટ્રમની કિંમતોને લઇને થઇ રહ્યું છે મોડું

જોકે, ટેલિકોમ રેગ્યુલેટરી ઓથોરિટી ઓફ ઇન્ડિયા (TRAI) અને DoT વચ્ચે સ્પેક્ટ્રમ કિંમત અંગે ચાલી રહેલા મતભેદોને કારણે સ્ટારલિંક અને તેના સ્પર્ધકો, જેમ કે, રિલાયન્સ જિયો અને એરટેલની લોન્ચની સમયરેખા પાછળ ઠેલાઇ રહી છે. ઉદ્યોગ સૂત્રોના જણાવ્યા અનુસાર, સંપૂર્ણ રોલઆઉટમાં વધુ ત્રણથી છ મહિના લાગી શકે છે.

ભાવ જાહેર કરવાને ટેક્નિકલ ભૂલ ગણાવી

આ મહિનાની શરૂઆતમાં, સ્ટારલિંકની ભારતીય વેબસાઇટ પર એક ટેકનિકલ ખામીએ રેસિડેન્શિયલ સબ્સ્ક્રિપ્શન પ્લાન લગભગ રૂ. 8,600 પ્રતિ માસના ભાવે દર્શાવ્યો હતો. કંપનીએ તાત્કાલિક આંકડાઓને ફગાવી દીધા, અને તેને ટેકનિકલ ભૂલ ગણાવી દીધી હતી. જો કે, આ લીકથી વ્યાપક અટકળો શરૂ થઈ છે કે, સ્ટારલિંક ભારતમાં તેના "સેટેલાઇટ-આધારિત બ્રોડબેન્ડ" ની કિંમત દેશના ઓછા ખર્ચે ટેરેસ્ટ્રીયલ ફાઇબર ઇન્ટરનેટ પ્રદાતાઓ સાથે સ્પર્ધા કરવા માટે કેવી રીતે નક્કી કરશે !

આ પણ વાંચો ------  Goldman Sachs report : ભારત 2025માં વિશ્વની સૌથી ઝડપી વિકસતી મોટી અર્થવ્યવસ્થા બની રહેશે, GDP વૃદ્ધિ 6.3-6.5%ની આસપાસ