EPF nomination rules: શું જીવનસાથીને નોમિની બનાવવું જરૂરી છે? EPF સ્કીમ 2026ના નવા નિયમો સમજો

EPF nomination rules: લગ્ન પછી નવા નોમિનેશનની જરૂરિયાત

EPF સ્કીમ 2026 મુજબ દરેક સભ્યે લગ્ન બાદ પોતાના નોમિનેશનમાં ફેરફાર કરવો હિતાવહ છે. લગ્ન પહેલા કરેલા તમામ જૂના નોમિનેશન આપમેળે અમાન્ય થઈ જાય છે. સભ્યોને એવી ગેરમાન્યતા હોય છે કે જીવનસાથીને નોમિની બનાવવું ફરજિયાત છે, પરંતુ આ નિયમ મુજબ તે મરજિયાત છે. કર્મચારી પોતાની પસંદગીના એક અથવા એક કરતા વધુ યોગ્ય પરિવારના સભ્યોને નોમિની તરીકે પસંદ કરી શકે છે. સાચી અને અપડેટ કરેલી માહિતી ક્લેમ સેટલમેન્ટને સરળ બનાવે છે.

EPF nomination rules: કોને નોમિની બનાવી શકાય છે?

EPF સ્કીમ 2026 હેઠળ 'કોડ ઓન સોશિયલ સિક્યુરિટી, 2020' માં પરિવારની વ્યાખ્યા મુજબ નોમિનીની પસંદગી કરવાની હોય છે. આ લિસ્ટમાં જીવનસાથી, સગીર બાળકો અથવા દત્તક લીધેલા બાળકોનો સમાવેશ થાય છે. જે બાળકો અભ્યાસ કરે છે અને સભ્યની આવક પર નિર્ભર છે તેમને પણ સામેલ કરી શકાય છે. અપરિણીત દીકરીઓ, દિવ્યાંગ બાળકો અને નિર્ભર માતા-પિતા પણ નોમિની બની શકે છે. મહિલા કર્મચારીના કિસ્સામાં સાસુ-સસરાને પણ નિર્ભર હોવાની શરતે નોમિની બનાવી શકાય છે. જે સભ્યો અપરિણીત છે અને માતા-પિતા હયાત નથી, તેઓ નિર્ભર સગીર ભાઈ-બહેનોને પણ નોમિની તરીકે પસંદ કરી શકે છે.

નોમિનેશન અપડેટ કરવાનું મહત્વ

EPF નોમિનેશન એ એક અત્યંત ગંભીર અને મહત્વપૂર્ણ કાયદાકીય પ્રક્રિયા છે. જો કોઈ સભ્યનું આકસ્મિક મૃત્યુ થાય તો જમા રકમ કોને મળશે તેનો નિર્ણય નોમિનેશન દ્વારા જ થાય છે. જો કોઈ સભ્ય એકથી વધુ નોમિની પસંદ કરે તો તેણે દરેક વ્યક્તિનો હિસ્સો પણ સ્પષ્ટ રીતે નક્કી કરવો જરૂરી છે. સમયસર વિગતો અપડેટ કરવાથી ક્લેમ દરમિયાન ઉભા થતા કાયદાકીય વિવાદો નિવારી શકાય છે. જે સભ્યોનો પરિવાર નથી, તેઓ કોઈપણ વ્યક્તિને નોમિની બનાવી શકે છે, પરંતુ લગ્ન પછી પરિવારના સભ્યોના નામ ઉમેરવા ફરજિયાત છે.

EPF નોમિનેશનના નવા નિયમો: મુખ્ય વિગતો

આ પણ વાંચો--- Mobile Tariff Hike : ખિસ્સા ખાલી કરવા તૈયાર રહો! આગામી 3 થી 4 મહિનામાં મોબાઈલ બિલમાં થઇ શકે છે તોતિંગ ભાવવધારો