EPFO Service Update: EPFO સર્વિસ 4 દિવસ માટે બંધ, અપગ્રેડેશન પછી મળશે UPI અને ATM જેવી સુવિધા

EPFO Service Update: 4 દિવસ સુધી સેવાઓ કેમ રહેશે બંધ?

EPFO એ તેના ઓનલાઇન પોર્ટલ પર ડેટાબેઝ કોન્સોલિડેશન અને સોફ્ટવેર અપગ્રેડની જાણકારી આપી છે. આ પ્રક્રિયા 26 જૂન 2026થી શરૂ થશે અને 29 જૂન 2026 ના રોજ 23:59 વાગ્યા સુધી ચાલશે. આ દરમિયાન નવા ક્લેમ સબમિટ કરવા કે જૂના ક્લેમ પ્રોસેસ કરવાની સુવિધા બંધ રહેશે. સેવાઓ 30 જૂન 2026થી ફરી શરૂ કરવામાં આવશે. સભ્યોને આ મુદત દરમિયાન કોઈ પણ અરજી કરવાને બદલે અપગ્રેડ પૂર્ણ થવાની રાહ જોવાની સલાહ આપવામાં આવી છે.

EPFO Service Update: ક્લેમ અને ટ્રાન્સફર પર અસર

મેન્ટેનન્સ સમય દરમિયાન સભ્યો ઓનલાઇન ક્લેમ રિક્વેસ્ટ જમા કરી શકશે નહીં. જે અરજીઓ મેન્ટેનન્સ શરૂ થયા પહેલા કરવામાં આવી છે, તેના પર કામગીરી સેવાઓ સામાન્ય થયા બાદ જ શરૂ થશે. ઈમરજન્સી વિડ્રોઅલ કે ટ્રાન્સફરની જરૂર હોય તેવા સભ્યોએ આ સમયગાળાને ધ્યાનમાં રાખીને અગાઉથી આયોજન કરવું જોઈએ. કોઈપણ પ્રકારની સહાયતા માટે સભ્યો 14470 પર EPFO કોલ સેન્ટરનો સંપર્ક કરી શકે છે. સંસ્થાએ આ કામચલાઉ અસુવિધા બદલ સભ્યો પાસે માફી પણ માંગી છે.

EPFO 3.0 અને ભવિષ્યની સુવિધાઓ

આ અપગ્રેડેશન EPFO 3.0 ના લોન્ચિંગનો મહત્વનો ભાગ છે. કેન્દ્રીય શ્રમ અને રોજગાર મંત્રી મનસુખભાઈ માંડવિયાએ તાજેતરમાં UPI બેઝ્ડ વિડ્રોઅલની સુવિધા વિશે માહિતી આપી હતી. આ નવી સિસ્ટમ હેઠળ સભ્યો સીધા UPI ના માધ્યમથી પોતાના બેંક ખાતામાં રકમ મેળવી શકશે. આનાથી કાગળની કાર્યવાહી ઘટશે, અને સેટલમેન્ટ ઝડપથી થશે. નવા પ્લેટફોર્મ પર ATM જેવી ઉપાડની સુવિધા અને પેપરલેસ ક્લેમ પ્રોસેસિંગની સુવિધા પણ ઉપલબ્ધ બનશે.

આ પણ વાંચો--- Share Market Holiday Today: આજે શેરબજાર ખુલ્લું રહેશે કે બંધ ? શું BSE અને NSE પર ટ્રેડિંગ થશે?