FASTag Rules for Disabled : દિવ્યાંગજનો માટે FASTag ના બદલાયા નિયમ, હવે નહીં કરાવવું પડે વારંવાર આ કામ

દિવ્યાંગતાના પ્રમાણ પ્રમાણે વેલિડિટી

નવા નિયમ મુજબ, 70થી 100 ટકા દિવ્યાંગતા ધરાવતા પાત્ર વ્યક્તિ માટે ટોલ છૂટવાળો FASTag પાંચ વર્ષ સુધી માન્ય રહેશે. જ્યારે 40 ટકાથી વધુ અને 70 ટકાથી ઓછી દિવ્યાંગતા ધરાવતા પાત્ર વ્યક્તિ માટે FASTagની વેલિડિટી ત્રણ વર્ષ રહેશે.

હવે દર વર્ષે રિન્યૂની જરૂર નહીં

અગાઉ ટોલ છૂટ ચાલુ રાખવા માટે FASTagનું વારંવાર રિન્યૂઅલ અને જરૂરી દસ્તાવેજોની પ્રક્રિયા કરવી પડતી હતી. હવે ત્રણ અથવા પાંચ વર્ષની વેલિડિટી મળવાથી પાત્ર લાભાર્થીઓને દર વર્ષે આ પ્રક્રિયા કરવાની જરૂર નહીં રહે. વેલિડિટી પૂર્ણ થયા બાદ જરૂરી દસ્તાવેજો સાથે ફરી અરજી કરી શકાશે.

પાત્રતા અને દસ્તાવેજો જરૂરી

ટોલ છૂટવાળો FASTag મેળવવા માટે માન્ય Disability Certificate હોવું જરૂરી છે. સાથે જ વાહન દિવ્યાંગ વ્યક્તિના નામે નોંધાયેલું હોવું અથવા તેમના ઉપયોગ માટે યોગ્ય રીતે નોંધાયેલું હોવું જરૂરી છે. છૂટનો લાભ માત્ર સંબંધિત વિશેષ FASTag ધરાવતા પાત્ર વાહનને જ મળશે.

UDID અને વાહનના દસ્તાવેજો

અરજી પ્રક્રિયા દરમિયાન માન્ય UDID Card સહિત વાહન સંબંધિત જરૂરી દસ્તાવેજો રજૂ કરવાના રહેશે. નિયમોનો ખોટો ઉપયોગ થતો જણાય તો FASTagને બ્લેકલિસ્ટ કરવાની કાર્યવાહી થઈ શકે છે. લાંબી વેલિડિટીથી ટોલ પ્લાઝા પરની ચકાસણી અને વેરિફિકેશન પ્રક્રિયા પણ સરળ બનવાની શક્યતા છે.

આ પણ વાંચો: Surat: "મરતા પહેલા ક્લાસમાં આવજો, પછી કૂદીને મરી જજો", SVNIT Professo સામે ગંભીર આક્ષેપ