G7 Emergency Meeting: મધ્ય પૂર્વમાં યુદ્વની સ્થિતિ વચ્ચે ક્રુડ ઓઇલ $100ને પાર પહોંચતા હાહાકાર, G7 દેશોની ઇમરજન્સી બેઠક
- મધ્ય પૂર્વમાં તણાવ વચ્ચે ક્રુડ ઓઇલ $100 ને પાર (G7 Emergency Meeting on Oil Prices)
- G7 દેશોના નાણામંત્રીઓ યોજશે ઇમરજન્સી બેઠક
- વ્યુહાત્મક તેલ અનામત મુક્ત કરવા પર થશે ચર્ચા
- વૈશ્વિક બજારમાં તેલની અછત નિવારવા લેવાશે નિર્ણય
મધ્ય પૂર્વ (Middle East) માં યુદ્વના લીધે સતત વધી રહેલા ભૌગોલિક-રાજકીય તણાવને કારણે વૈશ્વિક ઉર્જા બજાર (Global Energy Market) માં ભારે ખળભળાટ મચી ગયો છે. આંતરરાષ્ટ્રીય બજારમાં ક્રુડ ઓઇલ (Crude Oil) ના ભાવ પ્રતિ બેરલ $100 ની સપાટી વટાવી જતાં વિશ્વભરના અર્થતંત્રો પર મોંઘવારીનું જોખમ તોળાઈ રહ્યું છે. આ કટોકટીનો ઉકેલ લાવવા માટે સાત વિકસિત દેશોના જૂથ (G7) ના નાણામંત્રીઓ એક મહત્વપૂર્ણ ઇમરજન્સી બેઠક (Emergency Meeting) યોજવા જઈ રહ્યા છે.
G7 Emergency Meeting on Oil Prices : વતી જતી કિંમતો ચિંતાનો વિષય
રોકાણકારોમાં એવી દહેશત છે કે જો સંઘર્ષ વધુ વકરશે તો તેલ પુરવઠાના મુખ્ય માર્ગો (Key Supply Routes) ખોરવાઈ શકે છે. આ સ્થિતિમાં વિશ્વભરમાં ક્રુડ તેલની ભારે અછત સર્જાઈ શકે છે. ખાસ કરીને યુરોપ અને એશિયાના દેશો કે જેઓ આયાત પર નિર્ભર છે, તેમના માટે આ સ્થિતિ પડકારજનક બની શકે છે.
વ્યુહાત્મક તેલ અનામતનો ઉપયોગ
G7 દેશોના નાણામંત્રીઓ આ બેઠકમાં પોતાના વ્યૂહાત્મક તેલ અનામત (Strategic Oil Reserves) માંથી તેલનો જથ્થો બજારમાં મુક્ત કરવો કે નહીં તે અંગે ગંભીર ચર્ચા કરશે. આ પ્રક્રિયામાં આંતરરાષ્ટ્રીય ઊર્જા એજન્સી (International Energy Agency - IEA) ની ભૂમિકા પણ મહત્વની રહેશે. જો અનામત તેલ મુક્ત કરવામાં આવે, તો બજારમાં સપ્લાય વધશે અને કિંમતોને અંકુશમાં રાખવામાં મદદ મળશે, જેથી સામાન્ય ગ્રાહકોને મોંઘવારીના મારથી બચાવી શકાય.