Gold Price Today: બજેટના દિવસે સોનાના ભાવમાં ધરખમ વધારો, જાણો નવો ભાવ

• સોનાના ભાવે બધા રેકોર્ડ તોડી નાખ્યા
• નાણામંત્રી ટૂંક સમયમાં બજેટ રજૂ  કરશે
• સોનાનો ભાવ 84,000 રૂપિયાને પાર

Gold Price Today:1 ફેબ્રુઆરીના રોજ સોનાના ભાવે બધા રેકોર્ડ (Gold Price Today)તોડી નાખ્યા છે. નાણામંત્રી નિર્મલા સીતારમણ ટૂંક સમયમાં બજેટ રજૂ કરવાના છે. બજેટ પહેલા 24 કેરેટ 10 ગ્રામ સોનાનો ભાવ 84,000 રૂપિયાને પાર કરી ગયો છે. આ અત્યાર સુધી સોનાની ટોચ છે. એવી અપેક્ષા છે કે સરકાર બજેટમાં સોના પરની આયાત ડ્યુટી વધારી શકે છે. જો આવું થશે, તો સોનાના ભાવમાં વધુ વધારો થશે. ગયા બજેટમાં સરકારે આયાત ડ્યુટી 15 ટકાથી ઘટાડીને 6 ટકા કરી હતી.

આજે સોનાના ભાવ કેટલા ?

આજે બજેટના દિવસે 1 ફેબ્રુઆરી 2025ના રોજ સોનાનો ભાવ 84000 રૂપિયાને પાર કરી ગયો છે. ગઈકાલની સરખામણીમાં આજે સોનું 1,300 રૂપિયા મોંઘુ થઈ ગયું છે. સોનાના ભાવમાં વધારો અને વૈશ્વિક બજારમાં અસ્થિરતા અને યુએસ નીતિઓમાં ફેરફારને કારણે, લોકો સુરક્ષિત રોકાણ માટે સોનામાં રોકાણ કરી રહ્યા છે. આ વધતી માંગને કારણે સોનાના ભાવ વધી રહ્યા છે. નિષ્ણાતો માને છે કે જો વ્યાજ દરોમાં ઘટાડો ચાલુ રહેશે અને આંતરરાષ્ટ્રીય બજારમાં અનિશ્ચિતતા ચાલુ રહેશે તો સોના અને ચાંદીના ભાવમાં વધુ વધારો થઈ શકે છે.

આ પણ  વાંચો-Stock Market:બજેટના દિવસે માર્કેટ ગ્રીન ઝોનમાં ખૂલ્યું,આ શેરોમાં તેજી

આજે કેટલો છે ચાંદીનો ભાવ ?

શનિવાર, 1 ફેબ્રુઆરીના રોજ ચાંદીના ભાવમાં વધારો થયો હતો. બજેટના એક દિવસ પહેલા ચાંદીના ભાવમાં 1,000 રૂપિયાનો વધારો થયો છે. ચાંદીનો ભાવ ઘટીને 99600 રૂપિયા પ્રતિ કિલો થઈ ગયો છે. ચાંદી તેના 1 લાખ પિયાના રેકોર્ડ સ્તરથી થોડી જ દૂર છે.

આ પણ  વાંચો-Budget 2025: ગોલ્ડન બોર્ડર,સફેદ સાડીમાં સજ્જ નાણામંત્રી..જુઓ નિર્મલા સીતારમણનો બજેટ લુક

સોનાનો ભાવ કેવી રીતે નક્કી થાય છે?

ભારતમાં સોનાના ભાવ આંતરરાષ્ટ્રીય બજારના ભાવ, સરકાર દ્વારા લાદવામાં આવતી આયાત જકાત, કરવેરા અને રૂપિયાના મૂલ્યમાં વધઘટ જેવા વિવિધ પરિબળોને કારણે બદલાય છે. સોનું ફક્ત રોકાણનું સાધન નથી પણ ભારતીય સંસ્કૃતિનો એક મહત્વપૂર્ણ ભાગ પણ છે. લગ્ન અને તહેવારો દરમિયાન તેની માંગ વધવાની સાથે તેની કિંમતો પણ વધે છે. લોકો તેને સુરક્ષિત રોકાણ માને છે, તેથી તેની કિંમતમાં ફેરફાર સામાન્ય લોકોના ખિસ્સા પર પણ અસર કરે છે.