ડોનાલ્ડ ટ્રમ્પે સત્તા સંભાળતાની સાથે જ સોનાના ભાવમાં તેજી,જાણો નવો ભાવ

• ટ્રમ્પ સત્તામાં આવતાજ સોનાના ભાવમાં તેજી
• સોનાનો ભાવ 100 રૂપિયાનો થયો વધારો
• સોનું 82,100નો પાર થયું

Gold Rate Today: અમેરિકામાં ડોનાલ્ડ ટ્રમ્પે સત્તા સંભાળતાની સાથે જ વિશ્વભરના બજારોમાં મોટી અસર જોવા મળી રહી છે.આજે ઘણા દેશોના શેરબજારોમાં મોટો ઘટાડો જોવા મળ્યો.સોનામાં ચમક પાછી આવી ગઈ છે. મંગળવારે રાષ્ટ્રીય રાજધાનીના બુલિયન બજારમાં સોનાનો ભાવ 100 રૂપિયા વધીને 82,100 રૂપિયા પ્રતિ 10 ગ્રામ થયો.

મળી માહિતી અનુસાર સોમવારે સોનું 82,000 રૂપિયા પ્રતિ 10 ગ્રામ પર બંધ થયું. 99.5  ટકા શુદ્ધતાવાળા સોનાનો ભાવ 10  ગ્રામ દીઠ 100  રૂપિયા વધીને ૮૧,૭૦૦ રૂપિયા થયો છે. ગયા ટ્રેડિંગ સત્રમાં, તે 81,600 રૂપિયા પ્રતિ 10 ગ્રામ પર બંધ થયો હતો. જોકે, મંગળવારે ચાંદીના ભાવ 93,000 રૂપિયા પ્રતિ કિલોગ્રામ પર સ્થિર રહ્યા.

આ પણ  વાંચો-Indian railways : RAC ટિકિટ ધારકો માટે ખુશખબર, હવે મળશે આ સુવિધા

રેકોર્ડ સ્તરને સ્પર્શ્યા પછી સોનું ઘટ્યું

વૈશ્વિક બજારોમાં, કોમેક્સ સોનાનો વાયદો પ્રતિ ઔંસ $૧૮.૨૦ ઘટીને $૨,૭૩૦.૫૦ પ્રતિ ઔંસ થયો. કોમોડિટી નિષ્ણાતોના મતે, મંગળવારે સોનાના ભાવ સત્ર દરમિયાન 6 નવેમ્બર પછીના ઉચ્ચતમ સ્તરને સ્પર્શ્યા પછી નીચે આવ્યા હતા અને હાલમાં તે $2,725 ની આસપાસ ટ્રેડ કરી રહ્યા છે. ટેરિફ દરો પર યુએસ પ્રમુખ ટ્રમ્પની ટિપ્પણીઓ વૈશ્વિક વેપાર યુદ્ધના નવા મોજા વિશે ચિંતાઓ ઉભી કરે છે. એશિયન બજારમાં ચાંદીના કોમેક્સ ફ્યુચર્સ પણ 0.15 ટકા ઘટીને $31.10 પ્રતિ ઔંસ થયા.

આ પણ  વાંચો-Share market crash:શેરબજારમાં ભૂકંપ,સેન્સેક્સ 1235 પોઇન્ટનો કડાકો

ટ્રમ્પના નિર્ણય પર રોકાણકારોની નજર

HDFC સિક્યોરિટીઝના સિનિયર કોમોડિટીઝ એનાલિસ્ટ સૌમિલ ગાંધીએ જણાવ્યું હતું કે મંગળવારે અમેરિકાથી કોઈ મોટો આર્થિક ડેટા નહીં આવે, પરંતુ વેપારીઓ ટ્રમ્પ અને તેમના આગામી નીતિગત પગલાં પર ધ્યાન કેન્દ્રિત કરશે, જે બુલિયન માર્કેટ માટે વધુ અસ્થિરતા પેદા કરી શકે છે. મોતીલાલ ઓસ્વાલ ફાઇનાન્શિયલ સર્વિસીસ લિમિટેડના વિશ્લેષક (કોમોડિટીઝ) માનવ મોદીના જણાવ્યા અનુસાર, બજારના સહભાગીઓ દાવોસના અધિકારીઓના ઇનપુટ પર પણ નજર રાખશે, જેના કારણે બજારમાં અસ્થિરતા આવી શકે છે. ઉપરાંત, રજા પછી યુએસ બજારો ફરી ખુલશે, જેના કારણે બજારોમાં અસ્થિરતા આવી શકે છે, એમ મોદીએ જણાવ્યું હતું.