સોનું બન્યું થોડું સસ્તું! મોટો ઉછાળો આવ્યા પછી ખરીદીનો સારો સમય?

• 1 ડિસેમ્બરની સવારે સોના-ચાંદીના ભાવમાં નરમાઈ (Gold Rate Today)
• એક સપ્તાહના ઉછાળા પછી સોનાના ભાવમાં આજે હળવો ઘટાડો નોંધાયો
• 24 કેરેટ ગોલ્ડનો ભાવ દિલ્હીમાં રૂ.1,29,960 પ્રતિ 10 ગ્રામ થયો
• મુંબઈમાં 24 કેરેટ સોનું રૂ.1,29,810 ના સ્તરે ટ્રેડ થઈ રહ્યું છે
• કિંમતો પર વૈશ્વિક આર્થિક સંકેતોની સીધી અસર જોવા મળી

વર્ષના છેલ્લા મહિનાના પ્રથમ દિવસે એટલે કે 1 ડિસેમ્બરની સવારે સોનાના ભાવોમાં ઘટાડો જોવા મળ્યો છે. સોમવારે ટ્રેડિંગની શરૂઆત સામાન્ય રહી અને દેશના ઘણા મુખ્ય શહેરોમાં ગોલ્ડના રેટ સહેજ નીચે સરક્યા હતા. દિલ્હીમાં 24 કેરેટ સોનાનો ભાવ રૂ.1,29,960 પ્રતિ 10 ગ્રામ પર આવી ગયો છે, જ્યારે મુંબઈમાં તે રૂ.1,29,810 પ્રતિ 10 ગ્રામ પર ટ્રેડ થઈ રહ્યો છે.

જોકે, આ ઘટાડો એવા સમયે આવ્યો છે જ્યારે છેલ્લા એક સપ્તાહમાં સોનાની કિંમતોમાં જબરદસ્ત ઉછાળો જોવા મળ્યો હતો. 24 કેરેટ ગોલ્ડ રૂ.3,980 અને 22 કેરેટ સોનું રૂ.3,650 પ્રતિ 10 ગ્રામ જેટલું મોંઘું થયું હતું. પરંતુ શનિવારના બંધ પછી સપ્તાહની શરૂઆતમાં ભાવમાં થોડી નરમાઈ આવી છે.

ચાંદીના ભાવમાં પણ ઘટાડો (Gold Rate Today)

ચાંદીની કિંમતમાં પણ ઘટાડો નોંધાયો છે અને આજે તે રૂ.1,84,900 પ્રતિ કિલોગ્રામના સ્તરે પહોંચી ગઈ છે. છેલ્લા એક અઠવાડિયામાં ચાંદીમાં કુલ રૂ.21,000નો જોરદાર વધારો નોંધાયો હતો, જેના પછી હવે હળવો સુધારો જોવા મળી રહ્યો છે. આંતરરાષ્ટ્રીય બજારમાં પણ દબાણ યથાવત છે અને ચાંદીનો હાજર ભાવ $53.

ભારતના 10 મોટા શહેરોમાં 1 ડિસેમ્બર 2025 ના સોનાના ભાવ  (Gold Rate Today)

• દિલ્હીમાં 24 કેરેટ સોનાનો ભાવ રૂ.1,29,960 છે, જ્યારે 22 કેરેટ સોનાનો ભાવ રૂ.1,19,140 પ્રતિ 10 ગ્રામ છે.
• મુંબઈમાં 24 કેરેટ સોનાનો ભાવ રૂ.1,29,810 છે, અને 22 કેરેટ સોનાનો ભાવ રૂ.1,18,990 પ્રતિ 10 ગ્રામ છે.
• અમદાવાદમાં 24 કેરેટ ગોલ્ડનો ભાવ રૂ.1,29,860 છે, જ્યારે 22 કેરેટ ગોલ્ડનો ભાવ રૂ.1,19,040 પ્રતિ 10 ગ્રામ છે.
• ચેન્નઈમાં 24 કેરેટ સોનાનો ભાવ રૂ.1,29,810 છે, અને 22 કેરેટ સોનાનો ભાવ રૂ.1,18,990 પ્રતિ 10 ગ્રામ છે.
• કોલકાતામાં 24 કેરેટ સોનાનો ભાવ રૂ.1,29,810 છે, જ્યારે 22 કેરેટ સોનાનો ભાવ રૂ.1,18,990 પ્રતિ 10 ગ્રામ છે.
• હૈદરાબાદમાં 24 કેરેટ સોનાનો ભાવ રૂ.1,29,810 છે, અને 22 કેરેટ સોનાનો ભાવ રૂ.1,18,990 પ્રતિ 10 ગ્રામ છે.
• જયપુરમાં 24 કેરેટ ગોલ્ડનો ભાવ રૂ.1,29,960 છે, જ્યારે 22 કેરેટ ગોલ્ડનો ભાવ રૂ.1,19,140 પ્રતિ 10 ગ્રામ છે.
• ભોપાલમાં 24 કેરેટ સોનાનો ભાવ રૂ.1,29,860 છે, અને 22 કેરેટ સોનાનો ભાવ રૂ.1,19,040 પ્રતિ 10 ગ્રામ છે.
• લખનઉમાં 24 કેરેટ ગોલ્ડનો ભાવ રૂ.1,29,960 છે, જ્યારે 22 કેરેટ ગોલ્ડનો ભાવ રૂ.1,19,140 પ્રતિ 10 ગ્રામ છે.
• ચંદીગઢમાં 24 કેરેટ સોનાનો ભાવ રૂ.1,29,960 છે, અને 22 કેરેટ સોનાનો ભાવ રૂ.1,19,140 પ્રતિ 10 ગ્રામ છે.

ભારતમાં સોનાની કિંમત કેવી રીતે નક્કી થાય છે?

ભારતમાં ગોલ્ડના રેટ સીધા આંતરરાષ્ટ્રીય બજાર દ્વારા પ્રભાવિત થાય છે. વૈશ્વિક બજારમાં સોનાની કિંમતો (Gold Spot Price) વધે કે ઘટે, તેની અસર ભારતીય બજાર પર પણ પડે છે. આ ઉપરાંત, કિંમત નક્કી કરતા અન્ય મુખ્ય પરિબળો નીચે મુજબ છે:

ડોલર-રૂપિયા વિનિમય દર :  જ્યારે રૂપિયો નબળો પડે છે, ત્યારે સોનાની આયાત (Import) મોંઘી થાય છે, પરિણામે કિંમત વધે છે.

આયાત ડ્યુટી :  ભારત સોનાનો સૌથી મોટો આયાતકાર છે. સરકાર દ્વારા લાદવામાં આવતી કસ્ટમ ડ્યુટી પણ અંતિમ કિંમત નક્કી કરવામાં મહત્વનો ભાગ ભજવે છે.

માંગ : તહેવારો અને લગ્નની સિઝનમાં માંગ વધવાથી સોનું મોંઘું થાય છે.

વૈશ્વિક આર્થિક પરિસ્થિતિ : અમેરિકાના વ્યાજ દરો, ભૂ-રાજકીય તણાવ અને સ્ટોક માર્કેટની સ્થિતિ પણ ગોલ્ડની કિંમતને પ્રભાવિત કરે છે.

આ તમામ કારણોના આધારે, ઇન્ડિયા બુલિયન એન્ડ જ્વેલર્સ એસોસિએશન (IBJA) દૈનિક ભાવ જાહેર કરે છે, જેને દેશભરના ઝવેરી બજાર અનુસરે છે.

આ પણ વાંચો :  1 ડિસેમ્બરથી 5 મોટા નિયમો બદલાયા, સામાન્ય માણસના ખિસ્સા પર થશે સીધી અસર