Gold Silver Price Surge: ‘ચાંદીમાં તોફાની તેજી!’ 2 દિવસમાં 14,000નો ઉછાળો, જાણો હવે ખરીદાય કે વેચાય?

સોના અને ચાંદીના ભાવમાં ઐતિહાસિક ઉછાળો

આજના કારોબારમાં સોનાનો ભાવ 400 રૂપિયા વધીને 10 ગ્રામ દીઠ 1,38,536 રૂપિયા પર પહોંચ્યો છે. બીજી તરફ, ચાંદીની કિંમતમાં 4,247 રૂપિયાનો જંગી વધારો થતા તે પ્રતિ કિલો 2,50,402 રૂપિયા પર ટ્રેડ કરી રહી છે. છેલ્લા બે દિવસમાં સોનામાં 2,400 રૂપિયા અને ચાંદીમાં 14,000 રૂપિયાથી વધુની તેજી નોંધાઈ છે. રોકાણકારો હવે સુરક્ષિત રોકાણ તરીકે સોના તરફ વળી રહ્યા છે.

ભૂ-રાજકીય તણાવ અને વૈશ્વિક અસ્થિરતા

અમેરિકાએ વેનેઝુએલા ઉપરાંત કોલંબિયા, ક્યુબા અને મેક્સિકો જેવા દેશોને પણ ધમકી આપી છે, જેના કારણે ગ્લોબલ માર્કેટમાં ગભરાટ ફેલાયો છે. વેનેઝુએલાની વિદેશી સંપત્તિઓ જપ્ત કરવાના સમાચારને કારણે અનિશ્ચિતતા વધુ ઘેરી બની છે. નિષ્ણાતોના મતે, આ માત્ર ટૂંકા ગાળાની તેજી નથી, પરંતુ લાંબા ગાળાની માળખાગત માંગને કારણે ભાવ વધી રહ્યા છે.

Gold Silver Price Surge : કેન્દ્રીય બેંકોની ખરીદી અને આર્થિક નીતિઓ

માત્ર યુદ્ધ જ નહીં, પણ દુનિયાભરની કેન્દ્રીય બેંકો દ્વારા સતત કરવામાં આવતી સોનાની ખરીદી પણ ભાવ વધારાનું મુખ્ય કારણ છે. વિદેશી સેન્ટ્રલ બેંકો દ્વારા નાણાકીય નીતિમાં ઢીલ મૂકવાની અપેક્ષા અને પોર્ટફોલિયોમાં જોખમ ઘટાડવા માટે સોનું સૌથી મજબૂત વિકલ્પ સાબિત થઈ રહ્યું છે.

Gold Silver Price Surge : ઔદ્યોગિક માંગને કારણે ચાંદીમાં તેજી

ચાંદી માત્ર રોકાણ માટે જ નહીં, પરંતુ સોલર એનર્જી, ઈલેક્ટ્રિક વ્હીકલ (EV), અને AI ઈન્ફ્રાસ્ટ્રક્ચર જેવા ક્ષેત્રોમાં વધતી જતી ઔદ્યોગિક માંગને કારણે પણ ભાગી રહી છે. એક્સપર્ટ્સનું માનવું છે કે ચાંદીમાં આવતા નાના ઘટાડા માત્ર સુધારાત્મક છે, ત્યારબાદ મોટી તેજી નિશ્ચિત છે.

શું સોનું 1.45 લાખ સુધી પહોંચશે?

ટેકનિકલ ચાર્ટ મુજબ, સોનાનું બજાર તેજીમાં છે. જો MCX ગોલ્ડ 1,38,500 ના સ્તરને પાર કરે છે, તો તે આગામી સમયમાં 1,40,000 થી 1,45,000 રૂપિયા સુધી પહોંચી શકે છે. તેવી જ રીતે, કોમેક્સ સિલ્વર પણ 78-80 ડોલર તરફ ગતિ કરી રહી છે, જે ભારતીય બજારમાં ચાંદીના ભાવને વધુ ઊંચાઈએ લઈ જશે.

આ પણ વાંચો : Adani Enterprises NCD Issue : બેંક FD ભૂલી જશો! મેળવો વાર્ષિક 8.90% વ્યાજ, જાણો વિગતો.