સોમવારે રાહત: સોનાના ભાવમાં નરમાઈ, ખરીદદારો માટે સારો સમય

• સોનાના ભાવમાં નાની ઘટાડો, અમદાવાદમાં રૂ.1.25 લાખ પાર (Gold Price Today India)
• સોમવારે દેશભરમાં સોનાના ભાવમાં હળવો ઘટાડો
• અમદાવાદમાં 24 કેરેટ સોનું રૂ.1,25,120 પ્રતિ 10 ગ્રામ
• ફેડ નીતિ અને મજબૂત ડોલરને કારણે ભાવ પર દબાણ
• ચાંદી રૂ.1,68,900 પ્રતિ કિલો, અઠવાડિયામાં રૂ.16,500 વધ્યું
• લગ્ન સિઝનમાં ખરીદદારો ભાવ પર રાખી રહ્યા નજર

Gold Price Today India : અઠવાડિયાની શરૂઆત ભારતીય ગ્રાહકો માટે રાહત લઈને આવી છે. સોમવાર (17 નવેમ્બર 2025) ના રોજ સમગ્ર દેશમાં સોનાના ભાવોમાં નજીવો ઘટાડો જોવા મળ્યો છે. આંતરરાષ્ટ્રીય બજારમાં અમેરિકાના ફેડરલ રિઝર્વની નીતિઓને લઈને વધતી અનિશ્ચિતતા અને ડોલર ઇન્ડેક્સ મજબૂત થવાને કારણે સોનાની કિંમતો પર દબાણ વધ્યું છે.

અમેરિકામાં નવા આર્થિક ડેટાનો અભાવ અને વ્યાજ દરોમાં સંભવિત વિલંબના સંકેતોએ વૈશ્વિક ગોલ્ડ માર્કેટને નબળું પાડ્યું, જેની સીધી અસર ભારતીય બજારોમાં પણ જોવા મળી રહી છે. દિલ્હી, મુંબઈ, ચેન્નઈથી લઈને બેંગ્લોર અને અમદાવાદ જેવા મોટા શહેરોમાં પીળી ધાતુની કિંમતો પાછલા સપ્તાહની સરખામણીમાં નીચી આવી છે.

ઉપભોક્તા લગ્નની સિઝન અને રોકાણની દ્રષ્ટિએ આ ભાવો પર નજર રાખી રહ્યા છે. નિષ્ણાતો માને છે કે આંતરરાષ્ટ્રીય સ્તરે ફેડની નીતિ અને ડોલરની મજબૂતી આવનારા દિવસોમાં પણ ગોલ્ડના વલણને અસર કરી શકે છે.

આ છે 17 નવેમ્બર 2025ના મુખ્ય શહેરોમાં 24 અને 22 કેરેટ સોનાના ભાવ (Gold Rate Today)

17 નવેમ્બરના રોજ, દેશના આર્થિક અને વ્યાપારિક કેન્દ્ર મુંબઈ, ચેન્નઈ અને કોલકાતામાં 22 કેરેટ સોનાનો ભાવ રૂ.1,14,640 પ્રતિ 10 ગ્રામ છે, જ્યારે 24 કેરેટ ગોલ્ડ રૂ.1,25,070 પ્રતિ 10 ગ્રામ પર ચાલી રહ્યો છે. જોકે, રાજધાની દિલ્હીમાં 24 કેરેટ સોનાનો ભાવ રૂ.1,25,220 પ્રતિ 10 ગ્રામ પર પહોંચી ગયો છે અને 22 કેરેટ ગોલ્ડનો ભાવ રૂ.1,14,790/10 ગ્રામ છે.

દેશના 10 મોટા શહેરોમાં આજના સોનાના ભાવ (Gold price in 10 major cities)

🔹 દિલ્હી: 24 કેરેટ - રૂ.1,25,220 | 22 કેરેટ - રૂ.1,14,790

🔹 મુંબઈ: 24 કેરેટ - રૂ.1,25,070 | 22 કેરેટ - રૂ.1,14,640

🔹 અમદાવાદ: 24 કેરેટ - રૂ.1,25,120 | 22 કેરેટ - રૂ.1,14,690

🔹 ચેન્નાઈ: 24 કેરેટ - રૂ.1,25,070 | 22 કેરેટ - રૂ.1,14,640

🔹 કોલકાતા: 24 કેરેટ - રૂ.1,25,070 | 22 કેરેટ - રૂ.1,14,640

🔹 હૈદરાબાદ: 24 કેરેટ - રૂ.1,25,070 | 22 કેરેટ - રૂ.1,14,640

🔹 જયપુર: 24 કેરેટ - રૂ.1,25,220 | 22 કેરેટ - રૂ.1,14,790

🔹 ભોપાલ: 24 કેરેટ - રૂ.1,25,120 | 22 કેરેટ - રૂ.1,14,690

🔹 લખનૌ: 24 કેરેટ - રૂ.1,25,220 | 22 કેરેટ - રૂ.1,14,790

🔹 ચંડીગઢ: 24 કેરેટ - રૂ.1,25,220 | 22 કેરેટ - રૂ.1,14,790

આગામી દિવસોમાં શું અપેક્ષા રાખવી? (Future gold price expectations)

બજાર વિશ્લેષકોના મતે અમેરિકન સરકાર દ્વારા શટડાઉન સમાપ્ત થયા બાદ જાહેર થનારા આર્થિક આંકડા સોનાને વધુ મજબૂતી આપી શકે છે, કેમકે ડેટા નબળા આવવાની સંભાવના છે. આ ઉપરાંત શાંઘાઈમાં સોનાના અનામતમાં નોંધપાત્ર વધારો પણ આંતરરાષ્ટ્રીય બજારમાં તેજીનું એક મુખ્ય કારણ રહ્યું છે. હવે ધ્યાન આ બાબત પર છે કે આગામી દિવસોમાં વૈશ્વિક પરિબળો સોના માટે કેટલો ટેકો બની શકશે.

આજે ચાંદીના ભાવ (Silver price today in India)

સોનાની જેમ જ ચાંદીના બજારમાં પણ નબળાઈ જોવા મળી રહી છે. 17 નવેમ્બરે દેશમાં ચાંદીનો ભાવ ઘટીને રૂ.1,68,900 પ્રતિ કિલોગ્રામ પર પહોંચ્યો છે. જો કે, છેલ્લા એક અઠવાડિયામાં તેના ભાવમાં કુલ રૂ.16,500નો ઉછાળો પણ નોંધાયો છે. આંતરરાષ્ટ્રીય બજારમાં ચાંદીનો સ્પોટ પ્રાઇસ વધીને 52.03 ડોલર પ્રતિ ઔંસ થયો છે, જેથી વૈશ્વિક સ્તરે કિંમતોમાં ઉતાર-ચડાવ ચાલુ છે.

ભારતમાં સોનાના ભાવ કેવી રીતે નક્કી થાય છે? (How gold prices are determined)

ભારતમાં સોનાના ભાવ અનેક મહત્વપૂર્ણ પરિબળો પર આધારિત હોય છે. સૌથી અગત્યની ભૂમિકા આંતરરાષ્ટ્રીય બજારની હોય છે કારણ કે ભારત પોતાની જરૂરિયાતનો મોટો હિસ્સો આયાત કરે છે. આંતરરાષ્ટ્રીય કિંમતોમાં ઉતાર-ચડાવની સીધી અસર ભારતીય કિંમતો પર પડે છે.

આ ઉપરાંત ડોલર-રૂપિયાના વિનિમય દર, આયાત શુલ્ક, જીએસટી, ભૌગોલિક-રાજકીય પરિસ્થિતિઓ, કેન્દ્રીય બેંકોની ખરીદી અને માંગ-પુરવઠા જેવા પરિબળો પણ સોનાની કિંમત નક્કી કરવામાં મહત્વનો ભાગ ભજવે છે. દેશમાં ઇન્ડિયન બુલિયન એન્ડ જ્વેલર્સ એસોસિએશન (IBJA) દરરોજ સોના-ચાંદીના ભાવ જાહેર કરે છે જેને બજારોમાં એક માનક તરીકે ગણવામાં આવે છે.

આ પણ વાંચો : Junagadh : બાદલપુરમાં 1000 ખેડૂતોને 2 કરોડની સહાય, ઉદ્યોગપતિ દિનેશભાઈ કુંભાણીના હસ્તે ચેક વિતરણ!