Big fall in HDFC Bank shares : ભારતની બીજી સૌથી મૂલ્યવાન લિસ્ટેડ કંપની (Listed Company) ગણાતી HDFC Bank ના શેરમાં બુધવારે ભારે ઘટાડો જોવા મળ્યું હતું. ટ્રેડિંગ દરમિયાન બેંકના શેરમાં 2 ટકા કરતાં વધુનો ઘટાડો નોંધાયો હતો, જેના કારણે કંપનીના બજાર મૂડીકરણ (Market Capitalization) માં આશરે ₹30,000 કરોડનો ઘટાડો થયો હતો. આ ઘટનાએ રોકાણકારો (Investors) અને શેરબજાર (Stock Market) બંનેમાં ચિંતા ઊભી કરી છે.

અહેવાલ બાદ શેરમાં તેજીથી વેચવાલી

મીડિયા અહેવાલો મુજબ, એક રિપોર્ટમાં એવો આક્ષેપ કરવામાં આવ્યો હતો કે HDFC બેંકે સરકારી કંપનીને વધુ પડતું વ્યાજ ચૂકવ્યું હતું અને કરોડો રૂપિયાના ખર્ચને માર્કેટિંગ ખર્ચ (Marketing Expense) તરીકે દર્શાવ્યો હતો. આ સમાચાર સામે આવતા જ રોકાણકારોમાં ગભરાટ ફેલાયો હતો અને શેરમાં ભારે વેચવાલી શરૂ થઈ હતી. અહેવાલમાં વધુમાં જણાવાયું હતું કે 12 માર્ચના રોજ MD રંગનાથ (MD Ranganath) ની આગેવાની હેઠળની બોર્ડ સમિતિ (Board Committee) એ નાણાકીય વર્ષ 2024 અને 2025 દરમિયાન મહારાષ્ટ્ર રાજ્ય માર્ગ વિકાસ નિગમ (Maharashtra State Road Development Corporation - MSRDC) ને કરવામાં આવેલી કુલ ₹45 કરોડની ચૂકવણીની તપાસના આદેશ આપ્યા હતા. મહત્વની વાત એ છે કે આ બાબતનો ખુલાસો જાહેર રીતે કરવામાં આવ્યો ન હતો.

બેંકે તમામ આરોપોને ગણાવ્યા પાયાવિહોણા - Big fall in HDFC Bank shares

આ સમગ્ર મામલે HDFC બેંકે કોઈપણ પ્રકારના ખોટા કામ (Wrongdoing) ને નકારી કાઢ્યા છે. બેંક તરફથી જણાવાયું છે કે મીડિયા અહેવાલોમાં કરવામાં આવેલા દાવાઓ પાયાવિહોણા છે અને બેંકની આંતરિક પ્રક્રિયાઓ નિયમો અનુસાર ચાલી રહી છે. આ મામલામાં વધુ ચર્ચા ત્યારે શરૂ થઈ જ્યારે HDFC બેંકના ટૂંકા ગાળાના ચેરમેન (Chairman) અને સ્વતંત્ર ડિરેક્ટર (Independent Director) અતનુ ચક્રવર્તી (Atanu Chakraborty) એ 18 માર્ચે પોતાના પદ પરથી રાજીનામું આપ્યું હતું. તેમણે પોતાના રાજીનામામાં “વ્યક્તિગત મૂલ્યો અને નીતિશાસ્ત્ર (Ethics)” સાથે સમાધાન ન કરી શકવાના કારણનો ઉલ્લેખ કર્યો હતો. જોકે, HDFC બેંકે સ્પષ્ટતા કરી હતી કે અતનુ ચક્રવર્તી સાથે થયેલી ચર્ચામાં કોઈ ચોક્કસ ગવર્નન્સ ખામી (Governance Issue) અથવા કામગીરી સંબંધિત ગંભીર મુદ્દાઓ સામે આવ્યા નહોતા.

શેરના ભાવમાં કેટલો ઘટાડો નોંધાયો?

બુધવારના ટ્રેડિંગ સેશન દરમિયાન HDFC બેંકનો શેર લગભગ 3 ટકા સુધી તૂટી ગયો હતો અને ₹726 ના નીચા સ્તર સુધી પહોંચી ગયો હતો. ત્યારબાદ થોડો સુધારો જોવા મળ્યો અને શેર 2.48 ટકા ઘટીને ₹759.55 પર ટ્રેડ થઈ રહ્યો હતો. બજાર મૂડીકરણની વાત કરીએ તો, મંગળવારે કંપનીનું માર્કેટ કેપ ₹11,99,374.28 કરોડ હતું, જે ઘટાડા બાદ આશરે ₹11,68,000 કરોડ સુધી પહોંચી ગયું હતું. એટલે કે, માત્ર એક જ દિવસમાં કંપનીના મૂલ્યાંકન (Valuation) માં લગભગ ₹30,000 કરોડનો ઘટાડો નોંધાયો હતો.

લાંબા ગાળામાં પણ શેરનું પ્રદર્શન નબળું

HDFC બેંકના શેરના છેલ્લા કેટલાક સમયના પ્રદર્શન (Performance) પર નજર કરીએ તો તેમાં સતત નબળાઈ જોવા મળી રહી છે. છેલ્લા એક મહિનામાં શેરમાં લગભગ 3 ટકાનો ઘટાડો નોંધાયો છે. છેલ્લા 6 મહિનામાં શેર 25 ટકા જેટલો તૂટ્યો છે. આ વર્ષે અત્યાર સુધીમાં શેરમાં 23 ટકાનો ઘટાડો આવ્યો છે, જ્યારે છેલ્લા 1 વર્ષમાં રોકાણકારોને લગભગ 21 ટકા નકારાત્મક વળતર (Negative Return) મળ્યું છે. જોકે, 5 વર્ષના ગાળામાં શેરે સ્થિર વળતર (Stable Return) આપ્યું હોવાનું માનવામાં આવે છે. ઉલ્લેખનીય છે કે, HDFC બેંક જેવી મોટી ખાનગી બેંક (Private Bank) ના શેરમાં આ પ્રકારનો ઘટાડો બજારમાં અનિશ્ચિતતા (Uncertainty) વધારતો સંકેત માનવામાં આવે છે. આગામી સમયમાં બેંક તરફથી આવનારી સ્પષ્ટતા અને તપાસના પરિણામો પર રોકાણકારોની નજર રહેશે.

આ પણ વાંચો :  Gold and Silver Prices : સોનું અને ચાંદી ખરીદવા માંગતા લોકો માટે Good News! ભાવમાં મોટો ઘટાડો