Anand Mahindra Big Heart : દેશના અગ્રણી બિઝનેસમેન આનંદ મહિન્દ્રા સોશિયલ મીડિયા પર ખૂબ જ સક્રિય છે. અને જ્યારે પણ તેમના ધ્યાને આર્થિક પરિસ્થિતીના અભાવે આગળ વધવામાં મુશ્કેલી પડી રહી હોય. તેવી પ્રતિભા વિશે ખબર પડે, ત્યારે તેઓ તેમનો સાથ આપવા માટે આગળ આવતા હોય છે. તાજેતરમાં, નૈનિતાલનો એક બાળ જાદુગર ઇન્ટરનેટ પર વાયરલ થયો છે, જેના વીડિયોએ લાખો વ્યૂઝ મેળવ્યા છે, તે જોનારા દરેક તેની કલાથી આશ્ચર્યચકિત થઈ ગયા છે. જ્યારે આ વીડિયો આનંદ મહિન્દ્રા સુધી પહોંચ્યો, ત્યારે તેમણે મદદની ઓફર કરતા બાળ કલાકાર સાહિલની પ્રતિભાને પણ વખાણી હતી.
Anand Mahindra Big Heart, હું મદદ કરવા માંગુ છું
ઉત્તરાખંડના નૈનિતાલની શેરીઓમાં જાદુ કરીને પોતાનું ગુજરાન ચલાવતા સાહિલને જોયા પછી, મહિન્દ્રા ગ્રુપના ચેરમેને ટ્વીટર - X પર એક પોસ્ટ લખી છે, જેમાં કહ્યું કે, "આ બાળક ખરેખર પ્રતિભાશાળી છે. શું તે હજુ પણ નૈનિતાલની શેરીઓમાં જાદુઇ કરતબ કરી રહ્યો છે ? હું તેને મદદ કરવા માંગુ છું." ઉદ્યોગપતિ કહે છે કે, તે બાળકોને તેના શિક્ષણની સાથે, જાદુમાં તેની રુચિને પણ પ્રોત્સાહિત કરવા માંગે છે.
Anand Mahindra Big Heart, પોસ્ટ પર ઘણી પ્રતિક્રિયાઓ આવી
આનંદ મહિન્દ્રાએ પોસ્ટમાં આગળ લખ્યું કે, "આ બાળક વિશ્વના મહાન જાદુગરોમાંનું એક કેમ ન બની શકે ? શું કોઈ મને તેના માતાપિતા શોધવામાં મદદ કરી શકે છે ?" આનંદ મહિન્દ્રાની પોસ્ટ પર ઘણી પ્રતિક્રિયાઓ આવી છે, અને પોસ્ટની લોકપ્રિયતાને જોતાં, એ કહેવું ખોટું નથી કે, ટૂંક સમયમાં સાહિલના માતાપિતાનો પત્તો મેળવાશે !
બાળકની કરામત છવાઇ
સાહિલ 5 થી 7 વર્ષનો દેખાય છે. જો કે, તે જે કુશળતાથી જાદુ કરે છે, તે અજોડ છે. તે પોતાની કુશળતા એટલી સ્પષ્ટ રીતે દર્શાવે છે કે, કોઈ પણ તેના જાદુમાં ખામી શોધી શકતું નથી. આ 2 મિનિટ, 22 સેકન્ડના વિડીયોમાં, બાળક સિક્કાથી લઈને લખોટી સુધીની દરેક વસ્તુ સાથે તેની કરામત કરતો જોવા મળે છે.
આનંદ મહિન્દ્રાની પ્રશંસા કરી
જ્યારે આનંદ મહિન્દ્રાએ સાહિલનું સ્થાન શોધવામાં મદદ માંગતી પોસ્ટ લખી, ત્યારે યુઝર્સોએ કોમેન્ટ વિભાગમાં ઉત્સાહપૂર્વક પ્રતિભાવ આપ્યો હતો, અને સાથે જ બાળકને શોધવાનું વચન આપ્યું હતું. યુઝર્સે બાળકની પ્રશંસા કરવા બદલ આનંદ મહિન્દ્રાની પ્રશંસા કરી છે, એક યુઝરે લખ્યું કે, "કોઈએ તેમની પાસેથી પ્રતિભાની કદર કેવી રીતે કરવી તે શીખવું જોઈએ." અન્ય યુઝરે લખ્યું કે, "આપણા દેશમાં પ્રતિભાની કોઈ કમી નથી, આ બાળકની ગરીબીએ તેને આટલો પ્રતિભાશાળી બનાવ્યો છે."
પ્રતિભાને ટેકો આપતા આવ્યા
આ પહેલીવાર નથી જ્યારે આનંદ મહિન્દ્રાએ પ્રતિભા ધરાવતા કોઈને મદદનો હાથ લંબાવ્યો હોય. તેઓ વારંવાર રમતગમતના હસ્તીઓથી લઈને આગળ વધવા માંગતા લોકો સુધીની પ્રતિભાને ટેકો આપતા આવ્યા છે. 2024 માં, મહિન્દ્રા એક સ્કૂલના છોકરાને મદદ કરવા માટે પણ આગળ આવ્યા, જે તેના પિતાના મૃત્યુ પછી દિલ્હીના તિલક નગરમાં સ્ટોલ ચલાવતો હતો.
આ પણ વાંચો - Google India Office : ગુરૂગ્રામમાં મોટી ઓફિસની તૈયારી, ભાડું તમને ચોંકાવી દેશે !
