Stock Market Closing Today : RBI નો રેપો રેટ પર મોટો નિર્ણય, છતાં શેરબજારમાં કેમ દેખાયો કડાકો?

Stock Market Closing Today : વિદેશી મૂડી રોકાણ આકર્ષવા માટે કરવામાં આવ્યા કયા મોટા એલાન?

RBI એ વિદેશી રોકાણકારો (FIIs) ને આકર્ષવા માટે બોન્ડ માર્કેટમાં LTCG ટેક્સમાં મોટી છૂટ આપી છે. આ ઉપરાંત, NRI રોકાણકારો માટેની મર્યાદાઓમાં વધારો અને નિકાસની આવક માટેની સમયમર્યાદા નવ મહિના સુધી વધારવા જેવા પગલાં લેવામાં આવ્યા છે. આ નિર્ણયોનો હેતુ દેશમાં ડોલરનો પ્રવાહ વધારવાનો અને સરકારી સિક્યોરિટીઝને વૈશ્વિક સ્તરે વધુ આકર્ષક બનાવવાનો છે.

 રેપો રેટમાં કોઈ ફેરફાર નહીં: બેન્કિંગ અને ફાઇનાન્શિયલ શેરને મળી રાહત

RBI એ વૈશ્વિક અનિશ્ચિતતા વચ્ચે રેપો રેટને 5.25 ટકા પર સ્થિર રાખ્યો છે. આ નિર્ણયથી બેન્કિંગ અને ફાઇનાન્શિયલ શેરને થોડો ટેકો મળ્યો છે, જેનું પરિણામ બેન્ક નિફ્ટીમાં 188 અંકની તેજી તરીકે જોવા મળ્યું હતું. છતાં, અન્ય બ્લુ-ચિપ શેરોમાં વેચવાલીને કારણે ઇન્ડેક્સ પર દબાણ જળવાઈ રહ્યું હતું.

બજાર કેમ ગગડ્યું? શું ક્રૂડ ઓઈલ અને વૈશ્વિક તણાવ છે મુખ્ય કારણ?

નિષ્ણાતોના મતે, બજાર અત્યારે એવી સ્થિતિમાં છે જ્યાં નીતિ નિર્ધારકોના નિયંત્રણ બહારના પરિબળો કામ કરી રહ્યા છે. વધતા જતા ક્રૂડ ઓઈલના ભાવ અને સતત વધી રહેલો ભૌગોલિક-રાજકીય તણાવ રોકાણકારોને ડરાવી રહ્યો છે. બજારને એવી ચિંતા છે કે ઊર્જાની વધતી કિંમતો માગને ઘટાડી શકે છે, જે અર્થતંત્ર માટે નકારાત્મક સંકેત છે.

આ પણ વાંચો : RBI New Rules for NRI-OCI Investors : વિદેશી રોકાણકારો માટે બમ્પર તક ખુલશે