Indian Stock Market Rally : નિફ્ટી 24,300 ની પાર અને સેન્સેક્સ 77,900 ને વટાવી શાનદાર તેજીમાં બંધ
- Indian Stock Market Rally : સેન્સેક્સ 940 પોઈન્ટ ઉછળ્યો!
- રોકાણકારોની સંપત્તિમાં લાખો કરોડનો વધારો થયો
- અમેરિકા-ઈરાન શાંતિ કરારની આશાએ માર્કેટ ગુંજ્યું
- બેંકિંગ અને ઓટો શેરોમાં શાનદાર ખરીદી જોવા મળી
- ક્રૂડ ઓઈલમાં ઘટાડાથી ભારતીય બજારને મોટી રાહત
Indian Stock Market Rally : ભારતીય શેરબજાર (Indian Stock Market) માં લાંબા સમયના ઈન્તજાર બાદ આજે ઉત્સાહનો માહોલ જોવા મળ્યો છે. અઠવાડિયાના ત્રીજા ટ્રેડિંગ દિવસે બજારમાં એવી તેજી આવી કે બુલ્સ (Bulls) એ રીંછને પછાડીને માર્કેટ પર સંપૂર્ણ કબજો જમાવી લીધો હતો. આજના કારોબારના અંતે BSE સેન્સેક્સ (BSE Sensex) 940.73 પોઈન્ટના તોતિંગ વધારા સાથે 77,958.52 ના સ્તરે બંધ રહ્યો હતો, જ્યારે નિફ્ટી 50 (Nifty 50) પણ 298.15 પોઈન્ટ ઉછળીને 24,330.95 ના લેવલ પર પહોંચી ગઈ છે.
Stock Market_gujarat_first
Indian Stock Market Rally : શા માટે માર્કેટ બન્યું રોકેટ?
બજારમાં આજના ઉછાળા પાછળ વૈશ્વિક અને સ્થાનિક એમ બંને કારણો જવાબદાર છે. સૌથી મોટું કારણ અમેરિકા અને ઈરાન (US-Iran Peace Deal) વચ્ચેના સંબંધોમાં સુધારાની આશા છે. રાષ્ટ્રપતિ ડોનાલ્ડ ટ્રમ્પના હકારાત્મક નિવેદને વૈશ્વિક બજારમાં શાંતિનો સંકેત આપ્યો છે, જેની સીધી અસર ભારતીય બજાર પર પડી છે. આ ઉપરાંત, આંતરરાષ્ટ્રીય સ્તરે ક્રૂડ ઓઈલ (Crude Oil) ના ભાવમાં ઘટાડો થવાથી ભારત જેવા આયાતકાર દેશ માટે મોટું રાહતનું કામ કર્યું છે. સાથે જ, ભારતીય રૂપિયો (Indian Rupee) ડોલર સામે મજબૂત થતા વિદેશી રોકાણકારોનો ભરોસો વધ્યો છે.
સેક્ટર વાઈઝ પરફોર્મન્સ
આજે બજારને સૌથી મોટો ટેકો બેંકિંગ સેક્ટર (Banking Sector) તરફથી મળ્યો છે. નિફ્ટી પીએસયુ બેંક અને પ્રાઈવેટ બેંક ઈન્ડેક્સ 2 ટકાથી વધુ વધ્યા હતા. આ ઉપરાંત ઓટો, ફાર્મા અને રિયલ્ટી ઈન્ડેક્સમાં પણ 2 ટકાથી વધુની તેજી જોવા મળી હતી. ટ્રેન્ટ (Trent), એશિયન પેઇન્ટ્સ અને SBI જેવા શેરોમાં રોકાણકારોએ ભારે ખરીદી (Heavy Buying) કરી હતી. આજના ટ્રેન્ડમાં મિડકેપ અને સ્મોલકેપ શેરોએ પણ પાછળ જોયું નથી અને તેમાં પણ 1.90 ટકા સુધીનો ઉછાળો નોંધાયો હતો.
નિષ્ણાંતોનો મત
બજારના જાણકારો માને છે કે જો અમેરિકા અને ઈરાન વચ્ચે સ્થિતિ ખરેખર થાળે પડશે, તો આગામી દિવસોમાં નિફ્ટી (Nifty) નવા ઐતિહાસિક સ્તરને સ્પર્શી શકે છે. જોકે, રોકાણકારોએ અત્યારે સાવચેતીપૂર્વક 'બાય ઓન ડિપ્સ' (Buy on Dips) ની વ્યૂહરચના અપનાવવી જોઈએ. બેંકિંગ અને આઈટી શેરોમાં હજુ પણ વધુ તેજીની શક્યતા જોવાઈ રહી છે. ટૂંકમાં, આજના ઉછાળાએ સાબિત કર્યું છે કે વૈશ્વિક અનિશ્ચિતતા વચ્ચે પણ ભારતીય અર્થતંત્રના મજબૂત પાયા રોકાણકારોને આકર્ષી રહ્યા છે.
આ પણ વાંચો : Gold Silver Rates Today: સોના-ચાંદીના ભાવમાં ઉનાળાના તડકા જેવી તેજી!, જાણો આજનો લેટેસ્ટ ભાવ