સર્વિસ સેક્ટરના દમ પર FY26માં 7.4%ના દરથી વધશે ભારતની ઈકોનોમી, MoSPIનું અનુમાન
. MoSPIનું પ્રથમ અગ્રિમ અનુમાન
. ભારતની ઈકોનોમી 7.4%ના દરે વૃદ્ધિ કરશે
. 2026ના બજેટના એક માસ પહેલા આવ્યું પ્રતીક્ષિત પહેલું અગ્રિમ અનુમાન
નવી દિલ્હી: મેન્યુફેક્ચરિંગ અને સેવા ક્ષેત્રમાં સારા પ્રદર્શનથી ભારતીય ઈકોનોમીનું પ્રવર્તમાન નાણાંકીય વર્ષમાં 7.4 ટકાના દરથી વધવાનું અનુમાન છે. આજે જાહેર કરવામાં આવેલા સત્તાવાર આંકડામાં આ અનુમાન વ્યક્ત કરવામાં આવ્યું છે. આ અનુમાન FY25માં નોંધાયેલા 6.5 ટકાની વૃદ્ધિની સરખામણીએ સારું છે.
સાંખ્યાયિકી અને કાર્યક્રમ કાર્યાન્વયન મંત્રાલય તરફથી જાહેર કરવામાં આવેલા રાષ્ટ્રીય આવકના પ્રથમ અગ્રિમ અનુમાનો મુજબ, મેન્યુએફ્ચરિંગ અને નિર્માણ ક્ષેત્રમાં નાણાંકીય વર્ષ 2025-26 દરમિયાન લગભગ 7 ટકાની વૃદ્ધિ નોંધાવાની શક્યતા છે. સાંખ્યાયિકી અને કાર્યક્રમ કાર્યાન્વયન મંત્રાલય દ્વારા જાહેર કરવામાં આવેલા પહેલી અગ્રિમ અનુમાનો મુજબ, નાણાંકીય વર્ષ 2025-26માં ભારતની ઈકોનોમી વાસ્તવિકપણે 7.4 ટકાના દરથી વધશે.
નોમિનલ આધાર પર, FY26માં જીડીપીનું 8 ટકાથી વધવાનું અનુમાન છે. જીડીપીનું આ પહેલું અગ્રિમ અનુમાન ખાસું મહત્વનું માનવામાં આવતું હતું, કારણ કે સરકાર બજેટ 2026ના નીતિગત નિર્ણયો માટે આ આંકડાને ધ્યાનમાં રાખે છે.
Real GDP has witnessed 7.4% growth rate in FY 2025-26 over the growth rate of 6.5% in FY 2024-25 pic.twitter.com/iJykYXsI20
— ANI (@ANI) January 7, 2026
સર્વિસ સેક્ટરની ભૂમિકા મહત્વપૂર્ણ
મંત્રાલયે કહ્યું છે કે નાણાંકીય વર્ષ 2025-26માં વાસ્તવિક સકલ મૂલ્ય વર્ધન (જીવીએ)નું અનુમાનિત 7.3 ટકાન વૃદ્ધિમાં સેવા ક્ષેત્રની મજબૂત વૃદ્ધિની મુખ્ય ભૂમિકા રહી છે. જો કે આંકડા મુજબ, કૃષિ અને સંબંધિત ક્ષેત્રો અને વીજળી, ગેસ, જળ આપૂર્તિ અને અન્ય જન કેન્દ્રીત સેવા ક્ષેત્રોમાં નાણાંકીય વર્ષ દરમિયાન વૃદ્ધિ અપેક્ષાકૃત મધ્યમ રહેવાનું અનુમાન છે.
મંત્રાલયે કહ્યું છે કે હાલ કિંમતો પર જીડીપીના 2025-26માં આઠ ટકાના દરથી વધવાનું અનુમાન છે. રાષ્ટ્રીય આવકના અગ્રિમ અનુમાનોનો ઉપયોગ કેન્દ્રીય બજેટની તૈયારી માટે કરવામાં આવે છે. નાણાંકીય વર્ષ 2026-27ના કેન્દ્રીય બજેટ પહેલી ફેબ્રુઆરીના રોજ રજૂ કરવામાં આવશે.
બજેટ 2026 માટે શા માટે મહત્વપૂર્ણ છે જીડીપી અનુમાન?
મહત્વપૂર્ણ છે કે કેન્દ્રીય બજેટ રવિવારે પહેલી ફેબ્રુઆરીએ રજૂ થવાનું નક્કી છે. જીડીપીનું અનુમાન જાહેર કર્યા બાદ સરકાર આગામી નાણાંકીય વર્ષ માટે નામમાત્ર જીડીપી વૃદ્ધિનો એક નિશ્ચિત દર માનીને ચાલે છે. આ આધાર પર એ નક્કી થાય છે કે રાજકોષીય ખાદ્ય કેટલી રાખી શકાય છે અને ટેક્સ ગ્રોથમાં કેટલા વધારાની આશા કરી શકાય છે.
આ FY-26 જીડીપીનું પહેલા અગ્રિમ અનુમાન હતું. સાંખ્યિકી મંત્રાલયે કહ્યું છે કે અન્ય અગ્રિમ અનુમાન 27 ફેબ્રુઆરીએ જાહેર કરવામાં આવશે.
આગામી બજેટના એક માસ પહેલા રજૂ કરવામાં આવેલા પહેલા અગ્રિમ જીડીપી અનુમાન બેહદ મહત્વપૂર્ણ છે અને તેની આતુરતાપૂર્વક રાહ જોવાતી હતી,કારણ કે બજેટ - 2026ની ગણનાઓ અને નીતિગત નિર્ણયોનો આધાર આ આંકડઓને જ માનવામાં આવે છે.