IIP Growth: ભારતના ઔદ્યોગિક સેક્ટર તરફથી ડિસેમ્બર, 2025માં ઉત્સાહજનક સંકેત મળ્યા છે. સરકાર તરફથી જાહેર કરવામાં આવેલા આંકડા પ્રમાણે, ઔદ્યોગિક ઉત્પાદન સૂચનકાંક (IIP) માં ડિસેમ્બરમાં 7.8 ટકાનો વધારો નોંધાયો છે. આ ગત 26 માસ એટલે કે 2 વર્ષથી વધુ સમયનો સૌથી ઝડપી ગ્રોથ માનવામાં આવે છે. આના પહેલા નવેમ્બર, 2025માં IIP નો ગ્રોથ 7.2 ટકા રહ્યો હતો, એટલે કે ઔદ્યોગિક ગતિવિધિઓમાં સતત મજબૂતાઈ બનેલી છે.
મેન્યુફેક્ચરિંગ સેક્ટર બન્યું ગ્રોથનો સૌથી મોટો આધાર
ડિસેમ્બરમાં IIPના મજબૂત ગ્રોથની પાછળ મેન્યુફેક્ચરિંગ સેક્ટરની સૌથી મહત્વની ભૂમિકા રહી. આ સેક્ટરમાં ઉત્પાદન 8.1 ટકા વધ્યું, જે દર્શાવે છે કે ફેક્ટ્રીઓમાં કામકાજની ઝડપ વધી છે. મેન્યુફેક્ચરિંગ ભારતની ઔદ્યોગિક અર્થવ્યવસ્થાની કરોડરજ્જૂ માનવામાં આવે છે, માટે તેમાં આવેલી ઝડપને આખા સેક્ટર માટે સકારાત્મક સંકેત માનવામાં આવે છે.
આ પણ વાંચો: Regional Vibrant Gujarat Summit : રિલાયન્સ ગ્રુપના ચેરમેન મુકેશભાઇ અંબાણીનું નિવેદન, આપ્યા આ 5 વચન!
માઈનિંગ અને વીજ ઉત્પાદને પણ આપ્યો સપોર્ટ
મેન્યુફેક્ચરિંગ સિવાય અન્ય સેક્ટરોમાંથી પણ સારું યોગદાન જોવા મળ્યું. માઈનિંગ સેક્ટરમાં ઉત્પાદન 6.8 ટકા વધ્યું, જ્યારે વીજ ઉત્પાદનમાં 6.3 ટકાના ગ્રોથ જોવા મળ્યો. આ બંને સેક્ટરોની મજબૂતાઈએ કુલ IIP Growth ને સંતુલન અને સ્થિરતા આપી.
ઈલેક્ટ્રોનિક્સ અને ઑટો સેક્ટરમાં ખાસ તેજી
જો મેન્યુફેક્ચરિંગ સેક્ટરની અંદર જોવો, તો કેટલાક ઈન્ડસ્ટ્રી ગ્રુપનું પ્રદર્શન વિશેષપણે સારું જોવા મળ્યું. કોમ્પ્યુટર, ઈલેક્ટ્રોનિક અને ઓપ્ટિકલ પ્રોડક્ટ્સના ઉત્પાદનમાં ઝડપ જોવા મળી. તેના સાથે જ મોટર વ્હિકલ, ટ્રેલર અને અન્ય ટ્રાન્સપોર્ટ ઈક્વિપમેન્ટ સાથે જોડાયેલા ઉદ્યોગમાં પણ સારો ગ્રોથ નોંધાયો. આ સંકેત આપે છે કે ઉપભોક્તા માંગ અને ઈન્ફ્રાસ્ટ્રક્ચર સાથે જોડાયેલી ગતિવિધિઓ બંને મજબૂત થઈ રહ્યા છે.
આ પણ વાંચો: PM મોદીના નેતૃત્વમાં ગુજરાત દેશનું ગ્રોથ એન્જિન બન્યું : મુખ્યમંત્રી ભૂપેન્દ્રભાઈનું નિવેદન
વાર્ષિક આધાર પર IIP માં સ્પષ્ટ વધારો
સરકારી આંકડા મુજબ, ડિસેમ્બર, 2025માં IIPનો ક્વિટ એસ્ટીમેટ 170.3 રહ્યો, જ્યારે ડિસેમ્બર, 2024માં તે 158.0 હતો. વાર્ષિક આધારે ઔદ્યોગિક ઉત્પાદનમાં સ્પષ્ટ વધારો જોવા મળ્યો છે. આ ગ્રોથ માત્ર એક માસનો નહીં, પરંતુ સતત સારા થઈ રહેલા ટ્રેન્ડનો ભાગ માનવામાં આવે છે.
ઈન્ફ્રાસ્ટ્રક્ચર અને કન્ઝ્યૂમર ગુડ્સમાં પણ મજબૂતાઈ
યૂઝ બેસ્ડ કેટેગરીના આંકડા પણ પોઝિટિવ તસવીર દર્શાવે છે. ઈન્ફ્રાસ્ટ્ર્ક્ચર અને કન્ટ્ર્ક્શન ગુડ્સ, કન્ઝ્યૂમર ડ્યૂરેબલ્સ અને ઈન્ટરમીડિયેટ ગુડ્સ જેવા સેગમેન્ટ્સમાં ઝડપી ગ્રોથ નોંધાયો છે. તેનાથી સ્પષ્ટ થાય છે કે રોકાણ સાથે જોડાયેલી ગતિવિધિઓ અને સામાન્ય ગ્રાહકોની માંગ, બંનેમાં સુધારો થઈ રહ્યો છે.
મોટાભાગના ઈન્ડસ્ટ્રી ગ્રુપ્સમાં જોવા મળ્યો પોઝિટિવ ગ્રોથ
ડિસેમ્બર, 2025માં કુલ 23 ઈન્ડસ્ટ્રી ગ્રુપ્સમાંથી 16 ગ્રુપ્સમાં સકારાત્મક વૃદ્ધિ નોંધાઈ છે. તેનો અર્થ છે કે ઔદ્યોગિક રિકવરી કોઈ એક સેક્ટર સુધી મર્યાદીત નથી, પરંતુ તેની અસર વ્યાપક સ્તરે જોવા મળી રહી છે.
IIP શું છે અને આ આંકડો કેટલો મહત્વનો છે?
IIPને 2011-12ને બેઝ ઈયર માનીને તૈયાર કરવામાં આવે છે અને તેને દર મહિને સાંખ્યાયિકી અને કાર્યક્રમ કાર્યાન્વયન મંત્રાલય જાહેર કરે છે. ડિસેમ્બર, 2025નો આ આંકડો 28 જાન્યુઆરી, 2026ના રોજ જાહેર કરવામાં આવ્યો છે. આ આંકડો હાલ અસ્થાયી છે અને આગળ તેમાં સંશોધનની સંભાવના છે. પરંતુ હાલના સંકેત ભારતની ઓદ્યોગિક અર્થવ્યવસ્થા માટે મજબૂત અને ભરોસાપાત્ર તસવીર રજૂ કરે છે.
આ પણ વાંચો: IMFએ માન્યું- ગ્લોબલ ઈકોનૉમીનું એન્જિન છે ભારત, શું ગ્રોથનું અનુમાન બદલાશે?
