હીરા ઉદ્યોગનો તેજસ્વી સિતારો અને માનવતાનો મસીહા, Rashmi Kirtilal Mehta ની સક્સેસ સ્ટોરી
- Rashmi Kirtilal Mehta: ગ્લોબલ ડાયમંડ બિઝનેસના માંધાતા
- જીવનની શરૂઆત, સંઘર્ષમય બાળપણ અને શિક્ષણ
- પિતા કીર્તિલાલ મહેતા પાસેથી મળેલી સાદગી અને મહેનતની મૂડી
Rashmi Kirtilal Mehta: હીરા ઉદ્યોગમાં પાયોનિયર (Pioneer) ગણાતા રશ્મિ કીર્તિલાલ મહેતા માત્ર એક સફળ ઉદ્યોગપતિ જ નથી, પરંતુ એક એવા વ્યક્તિત્વ છે જેઓ ભૌતિક સંપત્તિ કરતા સંબંધો (Relationships) ને વધુ મહત્વ આપે છે. તેમની નમ્રતા અને વિશાળ નેટવર્ક (Network) ના કારણે તેઓ વિશ્વભરમાં જાણીતા છે. તેઓ માને છે કે જેવી રીતે હીરાને નિખારવા માટે દબાણ (Pressure) અને પોલિશિંગ (Polishing) ની જરૂર હોય છે, તેવી જ રીતે જીવનના સંઘર્ષો માણસને તેજસ્વી બનાવે છે.
જન્મ, બાળપણ અને શિક્ષણ (Birth, Childhood & Education)
રશ્મિભાઈ મહેતાનો જન્મ 4 સપ્ટેમ્બર, 1943ના રોજ ગુજરાતના બનાસકાંઠા જિલ્લાના પાલનપુર (Palanpur) ખાતે થયો હતો. તેમનું બાળપણ સ્વાસ્થ્યની દ્રષ્ટિએ પડકારજનક રહ્યું હતું. બાળપણમાં તેઓ અવારનવાર બીમાર રહેતા હતા, જેના કારણે તેમને શાળા (School) કરતા હોસ્પિટલમાં વધુ સમય પસાર કરવો પડતો હતો. તેમણે તેમનું પ્રારંભિક શિક્ષણ મુંબઈની ફેલોશિપ સ્કૂલ (Fellowship School) માંથી પૂર્ણ કર્યું. જોકે, પિતાને વ્યવસાયમાં મદદ કરવાની જવાબદારી આવતા તેઓ ઉચ્ચ શિક્ષણ (University) મેળવી શક્યા નહીં, જેનો તેમને શરૂઆતમાં વસવસો હતો. પાછળથી તેમણે બિઝનેસ કોર્સ (Business Courses) દ્વારા પોતાનું જ્ઞાન વધાર્યું હતું.
પારિવારિક વિરાસત (Family Legacy & Values)
તેમના પિતા કીર્તિલાલ મણીલાલ મહેતાએ શૂન્યમાંથી સર્જન કરીને હીરાનો વ્યવસાય સ્થાપ્યો હતો. રશ્મિભાઈના જીવન પર તેમના પિતાના સાદગી અને સખત મહેનત (Hard work) ના સંસ્કારોની ઊંડી અસર છે. તેમના પિતા કરકસર (Frugality) માં માનતા અને હંમેશા લોકોને મદદ કરવા તત્પર રહેતા. 11 માર્ચ, 1969 ના રોજ રશ્મિભાઈના લગ્ન સ્વાતિ મહેતા (Swati Mehta) સાથે થયા. તેમના પરિવારમાં ત્રણ સંતાનો ગ્રીષ્મા, ભાવિન અને અદિશ છે. રશ્મિભાઈ આજે તેમના પૌત્ર-પૌત્રીઓ સાથે સમય વિતાવવો ખૂબ જ પસંદ કરે છે.
આ પણ વાંચો----- Ramesh Khagram: નમ્રતા અને દ્રઢ સંકલ્પનું જીવંત ઉદાહરણ, કેન્યાના બિઝનેસ ટાયકૂન રમેશભાઈ ખગ્રામની સક્સેસ સ્ટોરી
વ્યવસાયિક સફર અને સિદ્ધિઓ (Professional Journey & Achievements)
વર્ષ 1960 માં રશ્મિ મહેતા બેલ્જિયમ (Belgium) ગયા અને ત્યાંથી તેમની વ્યવસાયિક કારકિર્દીની સાચી શરૂઆત થઈ. તેમણે એન્ટવર્પ (Antwerp) ને પોતાનું મુખ્ય મથક બનાવ્યું. રશ્મિભાઈએ જેમબેલ ડાયમંડ્સ ગ્રુપ (Gembel Diamonds Group) ના ચેરમેન (Chairman) તરીકે બિઝનેસને વૈશ્વિક સ્તરે વિસ્તાર્યો. તેમણે દક્ષિણ આફ્રિકા, રશિયા, યુએસએ અને લંડન જેવા દેશો સાથે વેપારના સંબંધો મજબૂત કર્યા. સુરતમાં હીરા કટિંગ અને પ્રોસેસિંગના યુનિટ સ્થાપીને તેમણે ઉદ્યોગને નવી ઊંચાઈઓ આપી. તેમની આ સિદ્ધિઓ બદલ બેલ્જિયમના રાજાએ તેમને ‘ઓફિસર ઓફ ધ ઓર્ડર ઓફ લિયોપોલ્ડ’ (Officer of the Order of Leopold) ના સર્વોચ્ચ સન્માનથી નવાજ્યા છે.
લીલાવતી હોસ્પિટલ (Philanthropy & Lilavati Hospital)
રશ્મિ મહેતા માત્ર વેપારમાં જ નહીં, પણ પરોપકાર (Philanthropy) ના કાર્યોમાં પણ અગ્રેસર છે. તેમના માતા લીલાવતીબેનની સ્મૃતિમાં મુંબઈમાં સુપ્રસિદ્ધ ‘લીલાવતી હોસ્પિટલ એન્ડ રિસર્ચ સેન્ટર’ (Lilavati Hospital & Research Centre) ની સ્થાપના કરવામાં આવી છે. આ હોસ્પિટલના ટ્રસ્ટી (Trustee) તરીકે તેઓ આરોગ્ય ક્ષેત્રે અમૂલ્ય સેવાઓ આપી રહ્યા છે. આ ઉપરાંત, તેમણે પાલનપુરમાં શાળાઓ અને હોસ્પિટલોના નિર્માણમાં પણ મોટું આર્થિક યોગદાન આપ્યું છે.
જીવન અને સંઘર્ષ (Philosophy of Life & Struggles)
જીવનમાં અનેક સફળતાઓ વચ્ચે તેમણે અંગત આઘાત પણ સહન કર્યા છે. તેમના પુત્ર અદિશ (Adesh) નું 19 વર્ષની નાની વયે કાર અકસ્માતમાં અવસાન થયું હતું. આ દુઃખદ ઘટનાએ તેમને જીવન અને નિયતિ (Destiny) ને સ્વીકારવાની શક્તિ આપી. રશ્મિ મહેતા માને છે કે સમયને બદલવા કરતા માણસે પોતે બદલાવ લાવવો જોઈએ. તેમના જીવનના ‘હાઈ ફાઈવ’ (High Fives) મૂલ્યોમાં નમ્રતા (Modesty), પ્રમાણિકતા (Integrity) અને મક્કમતા (Resilience) નો સમાવેશ થાય છે. તેઓ યુવા પેઢીને હંમેશા સારા સંબંધો કેળવવાની સલાહ આપે છે.
આ પણ વાંચો----- Ramesh Maganlal Thakkar: કર્તવ્યનિષ્ઠા અને માનવતાના સમન્વયથી ઘડાયેલું એક અદ્રિતીય વ્યક્તિત્વ