Crude Oil Price Crash : અમેરિકા-ઈરાન વચ્ચે સીઝફાયર થતા જ ક્રૂડ ઓઈલના ભાવ ધડાધડ તૂટ્યા, $26 પ્રતિ બેરલનો ઘટાડો
- યુદ્ધ વિરામ બાદ તેલના ભાવ ધડામ! (Crude Oil Price Crash)
- ક્રૂડ ઓઈલમાં 19 ટકાનો જંગી ઘટાડો નોંધાયો
- પ્રતિ બેરલ 26 ડોલર જેટલું સસ્તું થયું કાચું તેલ
- હવે પેટ્રોલ-ડીઝલના ભાવ ઘટવાની મોટી આશા
- પાકિસ્તાન અમેરિકા-ઈરાન વચ્ચે કરાવશે સમાધાન
- ઈસ્લામાબાદમાં 10 એપ્રિલથી યોજાશે મહત્વની બેઠક
Crude Oil Price Crash : છેલ્લા 40 દિવસથી ચાલી રહેલા ભીષણ યુદ્ધ પર હાલ પૂરતી બ્રેક લાગી છે. 7 એપ્રિલની ડેડલાઈન પૂરી થાય તે પહેલા જ ટ્રમ્પે યુદ્ધવિરામની જાહેરાત કરી, જેનાથી વૈશ્વિક બજારમાં તેલના ભાવ 19% સુધી નીચે આવી ગયા છે. અમેરિકી ક્રૂડ ઓઈલ જે 116 ડોલર પ્રતિ બેરલ પર હતું, તે હવે ઘટીને 91 ડોલર થઈ ગયું છે. આ જ રીતે ખાડી દેશોના બ્રેન્ટ ક્રૂડ ઓઈલ (Brent Crude Oil) ના ભાવમાં પણ 15% નો ઘટાડો નોંધાયો છે, જે અત્યારે 92.82 ડોલર પ્રતિ બેરલ પર ટ્રેડ કરી રહ્યું છે.
Crude Oil Price Crash : પાકિસ્તાનની મધ્યસ્થી અને શાંતિ વાટાઘાટો
આ વિવાદને ઉકેલવા માટે પાકિસ્તાન (Pakistan) એક મહત્વની ભૂમિકા ભજવી રહ્યું છે. ઈરાને અમેરિકા સામે જે 10 શરતો મૂકી છે, તેના પર 10 એપ્રિલથી ઈસ્લામાબાદમાં ચર્ચા શરૂ થવાની છે. આ શાંતિ વાટાઘાટો આગામી બે સપ્તાહ સુધી ચાલશે અને તેના પરિણામ પર જ યુદ્ધનું ભવિષ્ય નક્કી થશે. નિષ્ણાતો માને છે કે જો આ મધ્યસ્થી સફળ રહેશે, તો પેટ્રોલ, ડીઝલ અને એલપીજીના ભાવમાં વધુ ઘટાડો થઈ શકે છે.
સંઘર્ષનો ઈતિહાસ
નોંધનીય છે કે, આ જંગની શરૂઆત 28 ફેબ્રુઆરી 2026 ના રોજ થઈ હતી જ્યારે અમેરિકા અને ઈઝરાયેલ (Israel) દ્વારા ઈરાન પર હુમલો કરવામાં આવ્યો હતો. અમેરિકા ઈચ્છતું હતું કે ઈરાન પોતાનો પરમાણુ કાર્યક્રમ બંધ કરે, પરંતુ ઈરાન તૈયાર નહોતું. ત્રણ તબક્કાની મંત્રણા નિષ્ફળ ગયા બાદ શરૂ થયેલું આ યુદ્ધ હવે શાંતિના માર્ગે વળ્યું હોય તેમ જણાય છે.
આ પણ વાંચો : RBI In Action : દેશની મોટી કો-ઓપરેટિવ બેંકનું લાયસન્સ રદ કરાતા ખળભળાટ