નવરાત્રીમાં ફોગટના આંટાફેરા બંધ કરી દેજો, Petrol-Diesel ના ભાવમાં એક ઝાટકે અધધધ વધારો

ભાવમાં કેટલો વધારો?

ભાવવધારા બાદ મધ્યપ્રદેશની રાજધાની ભોપાલ (Bhopal) માં નાયરા એનર્જીના પેટ્રોલ પંપ પર પેટ્રોલનો ભાવ આશરે ₹120 પ્રતિ લિટર અને ડીઝલનો ભાવ આશરે ₹103 પ્રતિ લિટર સુધી પહોંચી ગયો છે. જોકે, અલગ-અલગ રાજ્યોમાં સ્થાનિક ટેક્સ, વેટ અને અન્ય ચાર્જના કારણે ઇંધણના ભાવમાં થોડો તફાવત જોવા મળી શકે છે.

સરકારી પેટ્રોલ પંપ પર હાલ ભાવ સ્થિર

નાયરા એનર્જીએ ભાવ વધાર્યા હોવા છતાં સરકારી ઓઇલ માર્કેટિંગ કંપનીઓના પેટ્રોલ પંપ પર હાલમાં પેટ્રોલ-ડીઝલના ભાવમાં કોઈ ફેરફાર કરવામાં આવ્યો નથી. ઇન્ડિયન ઓઇલ (Indian Oil), ભારત પેટ્રોલિયમ (BPCL) અને હિન્દુસ્તાન પેટ્રોલિયમ (HPCL) ના પંપ પર હાલના ભાવ યથાવત છે. પરિણામે ખાનગી અને સરકારી પેટ્રોલ પંપ વચ્ચે ઇંધણના ભાવમાં અંતર વધ્યું છે.

આંતરરાષ્ટ્રીય ક્રૂડ ઓઇલના ભાવની અસર

નાયરા એનર્જીના ભાવવધારા પાછળ આંતરરાષ્ટ્રીય બજારમાં ક્રૂડ ઓઇલ (Crude Oil) ના ભાવમાં થયેલા વધારાને મુખ્ય કારણ માનવામાં આવી રહ્યું છે. બ્રેન્ટ ક્રૂડનો ભાવ ફરી એક વખત 100 ડોલર પ્રતિ બેરલથી ઉપર પહોંચ્યો છે. પશ્ચિમ એશિયામાં ચાલી રહેલા તણાવ અને રિફાઇન્ડ પેટ્રોલિયમ પ્રોડક્ટ્સની ઊંચી કિંમતને કારણે ખાનગી કંપનીઓના માર્જિન પર દબાણ વધ્યું છે.

ગ્રાહકો પર વધશે ઈંધણ ખર્ચનો બોજ

આ સ્થિતિમાં નાયરા એનર્જીએ વધતા ખર્ચ અને માર્જિનના દબાણને ધ્યાનમાં રાખીને રિટેલ કિંમતોમાં ફેરફાર કર્યો છે. પેટ્રોલના ભાવમાં ₹5 અને ડીઝલમાં ₹3નો સીધો વધારો થતાં નાયરા પંપ પરથી ઇંધણ ભરાવતા વાહનચાલકોના દૈનિક ખર્ચમાં વધારો થશે. બીજી તરફ સરકારી કંપનીઓ દ્વારા ભાવમાં ફેરફાર ન થતાં બંને પ્રકારના પેટ્રોલ પંપ વચ્ચેનો ભાવ તફાવત હાલમાં વધુ સ્પષ્ટ બન્યો છે.

આ પણ વાંચોઃ G7 Oil Release : વૈશ્વિક Fuel Crisis વચ્ચે G7નો નિર્ણય,100 મિલિયન બેરલ રિલીઝ થશે ઓઈલ