1 એપ્રિલથી તમારા ખિસ્સા પર થશે સીધી અસર! ઇન્કમ ટેક્સથી લઈને ATM ટ્રાન્ઝેક્શન સુધીના 6 મોટા ફેરફારો 

New Rules From 1 April 2026 HRA નો મોટો ફાયદો

પગારદાર વર્ગ માટે સૌથી મોટા સમાચાર એ છે કે હવે 50 ટકા HRA છૂટ (HRA Exemption) નો દાયરો વધારવામાં આવ્યો છે. પહેલા આ સુવિધા માત્ર ૪ મેટ્રો શહેરોમાં હતી, પરંતુ હવે તેમાં અમદાવાદ (Ahmedabad), બેંગલુરુ, હૈદરાબાદ અને પુણેનો પણ સમાવેશ કરાયો છે. એટલે કે, અમદાવાદમાં ભાડે રહેતા લોકો હવે વધુ ટેક્સ બચાવી શકશે.

 બાળકોના શિક્ષણ અને હોસ્ટેલ ભથ્થામાં બમ્પર વધારો

જૂની ટેક્સ વ્યવસ્થા (Old Tax Regime) પસંદ કરનારાઓ માટે ખુશીના સમાચાર છે. ચિલ્ડ્રન એજ્યુકેશન એલાઉન્સ (Education Allowance) જે અત્યાર સુધી માત્ર 100 રૂપિયા પ્રતિ બાળક હતું, તે વધારીને 3,000 રૂપિયા કરી દેવાયું છે. જ્યારે હોસ્ટેલ ભથ્થું 300 થી વધારીને સીધું 9,000 રૂપિયા પ્રતિ માસ કરવામાં આવ્યું છે.

 બેન્કિંગ અને શેરબજારમાં ઝટકો

બેન્કિંગ સેક્ટરમાં (Banking Sector) HDFC અને PNB જેવી બેંકોએ નિયમો કડક કર્યા છે. હવે UPI થી ATM માંથી કેશ ઉપાડવું ફ્રી લિમિટમાં ગણાશે અને લિમિટ પૂરી થતા 23 રૂપિયા ચાર્જ લાગશે. બીજી તરફ, શેરબજારમાં (Share Market) F&O ટ્રેડિંગ પર STT વધારી દેવાતા રોકાણકારોનો ખર્ચ વધશે. સોવરિન ગોલ્ડ બોન્ડ (Sovereign Gold Bond) પરની ટેક્સ છૂટ પણ હવે માત્ર પ્રાઈમરી માર્કેટ પૂરતી મર્યાદિત રહેશે.

આ પણ વાંચો : Air China Beijing to New Delhi : 6 વર્ષ બાદ સીધી હવાઇ સેવા શરૂ કરાશે