Share Market Update : ભારતીય શેરબજારમાં આજે એટલે 24 જૂન 2026 બુધવારના રોજ બજાર તેજી સાથે ખુલ્યું છે. વૈશ્વિક બજારોના સકારાત્મક સંકેતો અને ઘરેલું રોકાણકારોની સતત ખરીદીને કારણે BSE સેન્સેક્સ અને NSE નિફ્ટી બંને મુખ્ય સૂચકાંકો લીલા નિશાન સાથે ખુલ્યું છે.
Share Market Update : સેન્સેક્સ 140 પોઈન્ટ ઉછળ્યો
ઉલ્લેખનીય છે કે સેન્સેક્સમાં આજે 143 પોઈન્ટનો ઉછાળો જોવા મળ્યો છે, જેના કારણે તે 76,344 ના સ્તર પર ટ્રેડ કરી રહ્યો છે. તેવી જ રીતે, નિફ્ટી 50 ઇન્ડેક્સ પણ 30 પોઈન્ટના વધારા સાથે 23,854 ની મહત્વની સપાટીને પાર કરી ગયો છે. બજારના નિષ્ણાતોના મતે, આ તેજી મુખ્યત્વે ટેકનોલોજી અને બેન્કિંગ સેક્ટરના મજબૂત દેખાવને કારણે છે.
આજના કારોબારમાં ટોચના વધનારા શેરની વાત કરીએ તો, ટેક મહિન્દ્રા, ડૉ. રેડ્ડીઝ લેબ્સ, અદાણી એન્ટરપ્રાઇઝ, ICICI બેંક અને ઇન્ફોસિસ જેવા શેરોમાં રોકાણકારોનું વિશેષ આકર્ષણ જોવા મળી રહ્યું છે. ટેક કંપનીઓમાં આવેલા ઉછાળાથી નિફ્ટીને સારી એવી મદદ મળી છે, જ્યારે બેન્કિંગ સેક્ટરમાં ICICI બેંકની તેજી બજારના સેન્ટિમેન્ટને સપોર્ટ આપી રહી છે.
નિફ્ટી 23,800ને પાર
જોકે, બજારમાં તેજી હોવા છતાં, રોકાણકારોએ સાવચેતી રાખવી જરૂરી છે. 23,800 ની સપાટી નિફ્ટી માટે મજબૂત આધાર માનવામાં આવે છે, પરંતુ આગામી દિવસોમાં વૈશ્વિક આર્થિક સ્થિતિ અને વિદેશી રોકાણકારોની મૂવમેન્ટ બજારની દિશા નક્કી કરશે. અત્યારે માર્કેટમાં 'બાય ઓન ડિપ્સ'ની વ્યૂહરચના જોવા મળી રહી છે.
આ પણ વાંચો : Gold Price Today: સોના-ચાંદીના ભાવમાં કડાકો, જાણો તમારા શહેરમાં શું છે આજના રેટ
