Petrol and Diesel price : આંતરરાષ્ટ્રીય બજારમાં ક્રૂડ ઓઈલના ભાવમાં તીવ્ર ઘટાડો જોવા મળ્યો છે. જેની સીધી અસર ભારતીય બજાર પર જોવા મળે છે. જો આજે દેશભરમાં સરકારી ઓઈલ માર્કેટિંગ કંપનીઓ દ્વારા પેટ્રોલ અને ડીઝલના છૂટક કિંમતમાં કોઈ ફેરફાર કરવામાં આવ્યો નથી. વૈશ્વિક સ્તરે કાચા તેલની કિંમતમાં ઘટાડો થવા છતાં સ્થાનિક ગ્રાહકોને રાહત મળી નથી. ઈંધણના ભાવ દરરોજ સવારે 6 વાગ્યે અપડેટ થાય છે, પરંતુ આજના દિવસે દરોમાં કોઈ બદલાવ નોંધાયો નથી.
Petrol and Diesel price : વૈશ્વિક બજારમાં ક્રૂડ ઓઇલ
ઉલ્લેખનીય છે કે આંતરરાષ્ટ્રીય બેન્ચમાર્ક ગણાતો બ્રેન્ટ ક્રૂડ સપ્તાહના અંતે 1.40 ટકા ઘટીને $82.38 પ્રતિ બેરલ પર પહોંચ્યો છે. તે ફ્યુચર્સ કોન્ટ્રાક્ટમાં $81.50 થી $84.44 ની રેન્જમાં કારોબાર કરી રહ્યો છે. બીજી તરફ, યુએસ બેન્ચમાર્ક વેસ્ટ ટેક્સાસ ઇન્ટરમીડિયેટ પણ 0.27 ટકા ઘટીને $77.08 પ્રતિ બેરલ પર બંધ થયો છે.
મહત્વનું છે કે હોર્મુઝ સ્ટ્રેટને આંશિક રીતે ફરીથી ખોલવા અને જહાજો તેમજ ટેન્કરો માટે સલામત માર્ગ પુનઃસ્થાપિત કરવા બાબતે ઈરાન અને યમન વચ્ચે રાજદ્વારી વાટાઘાટો ચાલી રહી છે. આ કૂટનીતિક પ્રયાસોને કારણે બજારમાં યુદ્ધનું જોખમ ઘટ્યું છે, જેના લીધે કાચા તેલના કિંમતમાં સાપ્તાહિક ધોરણે ઘટાડો જોવા મળ્યો છે.
ભારતમાં ક્યાં સૌથી સસ્તું અને ક્યાં સૌથી મોંઘું છે ઈંધણ?
ભારતભરમાં ટેક્સ અને અન્ય પરિબળોને કારણે ઈંધણના ભાવમાં મોટો તફાવત જોવા મળે છે. અંદાજ મુજબ પોર્ટ બ્લેર ખાતે પેટ્રોલ અને ડીઝલ સૌથી સસ્તું છે. અહીં પેટ્રોલનો ભાવ ₹88.66 પ્રતિ લિટર અને ડીઝલનો ભાવ ₹78.05 પ્રતિ લિટર ચાલી રહ્યો છે.
જ્યારે બીજી બાજુ, આંધ્રપ્રદેશમાં ઈંધણ સૌથી મોંઘું વેચાઈ રહ્યું છે. આ રાજ્યમાં પેટ્રોલની કિંમત ₹117.88 પ્રતિ લિટર અને ડીઝલની કિંમત ₹103.95 પ્રતિ લિટર સુધી પહોંચી ગઈ છે.
આ પણ વાંચો : Mobile EMI Rules 2026 : મોબાઈલ EMI પર લીધો છે? આ ભૂલ કરી તો થઇ જશે લોક!
