Petrol Diesel Prices : પેટ્રોલ-ડીઝલના ભાવમાં ભડકો, હૈદરાબાદ અને મુંબઈમાં કિંમતો આસમાને!

ઇથેનોલ બ્લેન્ડિંગ પર અફવાઓનું ખંડન

આ દરમિયાન સોશિયલ મીડિયા પર પેટ્રોલમાં ઇથેનોલ મિશ્રણ (Ethanol Blending Program) ને લઈને ફેલાઈ રહેલી ભ્રામક માહિતી પર પેટ્રોલિયમ અને કુદરતી ગેસ મંત્રાલયે કડક વલણ અપનાવ્યું છે. મંત્રાલયે સ્પષ્ટતા કરી છે કે પેટ્રોલમાં ઇથેનોલ મિશ્રણની પ્રક્રિયા વૈજ્ઞાનિક રીતે સંપૂર્ણ સાબિત થયેલી છે અને તેનાથી વાહનોના એન્જિન પર કોઈ પણ પ્રકારની પ્રતિકૂળ અસર થતી નથી. સોશિયલ મીડિયા પર માત્ર વ્યૂઝ મેળવવા અને લોકોમાં ચિંતા પેદા કરવા માટે જૂના અને ભ્રામક વીડિયો વાયરલ કરવામાં આવી રહ્યા છે.

શા માટે જરૂરી છે ઇથેનોલ બ્લેન્ડિંગ?

જ્યારે દેશમાં પેટ્રોલના ભાવ ₹100 ને પાર કરી ગયા છે, ત્યારે ઇથેનોલ મિશ્રણ ભારતની ક્રૂડ ઓઇલ આયાત પરની નિર્ભરતા ઘટાડવા માટે ગેમ ચેન્જર સાબિત થઈ રહ્યું છે. તેનાથી ભવિષ્યમાં ઇંધણના ભાવો નિયંત્રિત થશે. આ સાથે જ, ઇથેનોલ પર્યાવરણને અનુકૂળ હોવાથી વાહનોમાંથી થતું પ્રદૂષણ ઘટશે અને શેરડી તેમજ બગડેલા અનાજમાંથી બનતું હોવાથી દેશના ખેડૂતોની આવકમાં પણ મોટો વધારો થશે. આ જ કારણે સરકારે દેશભરમાં 20% ઇથેનોલ મિશ્રણ (E20) નો લક્ષ્યાંક નક્કી કર્યો છે.

આ પણ વાંચો :  Success Story: કાયદાકીય જગતના દિગ્ગજ સાયરલ શ્રોફ, 100 વર્ષ જૂના વારસાને કેવી રીતે આપ્યો નવો આયામ?