Petrol-Diesel Rate : માત્ર 1 મિનિટમાં જાણો, આજે પેટ્રોલ-ડીઝલના ભાવમાં કેટલો થયો ફેરફાર!

Petrol-Diesel Rate : શા માટે ભાવ ઘટતા નથી?

કેન્દ્રીય પેટ્રોલિયમ મંત્રી હરદીપ સિંહ પુરીના જણાવ્યા અનુસાર, ભારતીય રિફાઇનરીઓ હજુ પણ પશ્ચિમ એશિયાના તણાવને કારણે અગાઉ ઊંચા ભાવે ખરીદેલું ક્રૂડ ઓઇલ પ્રોસેસ કરી રહી છે. આ જ કારણ છે કે સરકારી કંપનીઓ હાલમાં પેટ્રોલ-ડીઝલના ભાવ ઘટાડવામાં અસમર્થ છે. જોકે, 1 જુલાઈના રોજ ખાનગી કંપની નાયરા એનર્જીએ તેના પંપ પર પેટ્રોલના ભાવમાં ₹5 અને ડીઝલના ભાવમાં ₹3 નો ઘટાડો કરીને ગ્રાહકોને રાહત આપી હતી.

નવા ક્રૂડ ઓઇલની ખરીદીમાં તેજી

દેશની સરકારી તેલ કંપનીઓએ ભવિષ્યની જરૂરિયાતોને ધ્યાનમાં રાખીને ક્રૂડ ઓઇલની ખરીદી વધારી છે. રોઇટર્સના અહેવાલ મુજબ, ઇન્ડિયન ઓઇલ અને હિન્દુસ્તાન પેટ્રોલિયમે તાજેતરમાં ટેન્ડર દ્વારા આશરે 7 મિલિયન બેરલ ક્રૂડ ઓઇલ ખરીદ્યું છે. જેમાં ઇન્ડિયન ઓઇલના 5 મિલિયન બેરલ અને HPCL ના 2મિલિયન બેરલ બ્રાઝિલિયન ટુપી ક્રૂડનો સમાવેશ થાય છે, જેની ડિલિવરી ઓગસ્ટ અને સપ્ટેમ્બર મહિનામાં નિર્ધારિત છે.

આ પણ વાંચો : Share Market Opening: શેરબજારમાં જોરદાર તેજી ! સેન્સેક્સ પ્રથમવાર 78,400 ના પાર, નિફ્ટીમાં પણ ઉછાળો